रामेछाप– रामेछाप उद्योग वाणिज्य संघले आफ्ना सदस्यहरुलाई सदस्यता नविकरणमा छुट दिने निर्णय गरेको छ । संघको शनिबार बसेका बैठले कोरोना भाइर नियन्त्रणको लागि लगाईएको लकडाउनका कारण मर्कामा परेका आफ्ना सदस्यहरुको सदस्यता नविकरणमा २० प्रतिशत छुट र नविकरण शुल्कमा लाग्ने बिलम्ब शुःल्कमा सतप्रतिशत छुट दिने निर्णय रामेछाप उद्योग वाणिज्य संघका अध्यक्ष केशव प्रसाद घिमिरेले जानकारी दिनुभयो ।
लामो समय देखि लगाईएको लकडाउनका कारण समस्यामा परेका आफ्ना सदस्यहरुलाई थोरै भएपनि राहत हुने गरि सदस्यता नविकरण र नविकरण शुःल्कमा लाग्ने विलम्ब शुःल्क छुट गरिएको संघका अध्यक्ष घिमिरेको भनाई रहेको छ ।
सदस्यहरुले चैत्र महिनाको मसान्त सम्ममा नविकरण गर्नुपर्ने भएपनि लकडाउनका कारण सदस्यता नविकरण गर्न समस्या भएका कारण संघले नविकरणको समय असार मसान्त सम्म लम्ब्याएको थियो । सोही अनुसार संघले असार मसान्त सम्ममा नविकरण गर्ने सदस्यहरुलाई छुट दिने निर्णय गरिएको अध्यक्ष घिमिरेले बताउनुभयो ।
त्यस्तै उद्योग वाणिज्य संघको भवनमा बस्ने व्यवसायिहरुलाई घरभाडामा २० प्रतिशत छुट दिने निर्णय गरिएको पनि उहाँले बताउनुभयो । भाडामा बसेर व्यवसाय गर्ने व्यवसायिलाई घरधनीले पनि छुट दिन सक्ने गरी उद्योग वाणिज्य संघले स्थानीय सरकारहरुलाई व्यवसाय कर, घर बहाल कर र सम्पत्ती कर छुट दिनको लागी आग्रह गर्ने निर्णय समेत वैठकले गरेको अध्यक्ष घिमिरेले बताउनुभयो ।
कोरोना भाइरस नियन्त्रणको लागि चैत्र महिनाको ११ गते देखि सरकारले लगाएको लकडाउनका कारण व्यवसायिहरु बढी मर्कामा परेका छन् ।
यो बारेमा तपाईको प्रतिकृया