रामेछाप २९ मंङ्सिर । वर्तमान सरकारले गरेको कामकाजको विषयलाई लिएर नेपाली काँग्रेसले देशका ७७ वटै जिलामा एकैदिन विरोध जुलुस प्रदर्शन गरेको छ ।
देशभर एकैसाथ प्रदर्शन गर्ने क्रममा नेपाली काँग्रेस रामेछापले पनि विरोध र्याली प्रदर्शन गरेको छ ।
मन्थली नगरपालिका वडा नं–१ भैसेश्वर चोकबाट विभिन्न नारा सहित सुरु भएको ¥यालीले मन्थली बजार परिक्रमा गरी देवकोटा चोकमा कोणसभा गरेको थियो ।
पार्टी सभापति लवश्री न्यौपानेको अध्यक्षतामा सम्पन्न उक्त कार्यक्रममा निवर्तमान पार्टी सभापति रामचन्द्र खड्का, संघीय संसदका तत्कालिन उमेद्वार पूर्णबहादुर तामाङ (कान्छाराम) महाधिवेशन प्रतिनिधिहरु क्रमश ध्रुव लामा, अर्जुन केसी, महिला संघ कि सभापति गंगा अधिकारी, प्रदेश क तथा खका उमेद्वार रत्न कार्की र जीत बहादुर थापामगर, तरुण दलका सह–सचिव जीवन कार्की, नेविसंघका पूर्व केन्द्रीय सदस्य रत्नहरि ढुंगेल र वर्तमान अध्यक्ष सुशील अधिकारी लगायतले वर्तमान सरकारको चर्को आलोचना गर्नु भएको थियो ।
कार्यक्रममा बोल्दै उहाँहरुले सरकारको सर्वसत्तावादी प्रवृत्ति, कोभिड–१९ नियन्त्रणमा असफलता, स्वास्थ्य सामग्रीमा अनियमितता, राज्य आतंक, चर्को मुल्य बृद्धि, भ्रष्टाचार, महिला हिंसा, करवृद्धि, बालुवाटारको ललिता निवासको जग्गा प्रकरण, लगायतका काण्डै काण्ड र कुशासनको विरुद्ध नेपाली काँग्रेसले वर्तमान सरकारको भण्डाफोर गर्ने बताउनुभयो ।
वर्तमान सरकारको अधिनायकवाद विरुद्ध प्रदर्शन गर्ने क्रममा आइतवार साझ पनि काँग्रेस रामेछाप सहित विभिन्न जिल्लामा सिठ्ठी जुलुस प्रदर्शन गरेको थियो ।
यो बारेमा तपाईको प्रतिकृया