रामेछाप, १५ साउन । जिपी फाउन्डेशन र विपी प्रतिष्ठानले छुट्टाछुट्टै खिर दिवस मनाएका छन् ।
जि पी फाउण्डेशन मन्थली नगर समितिले मन्थलीमा र विपी कोइराला प्रतिष्ठान खाँडादेवी गाँउपालिकाले काठमाण्डौमा खीर खिर दिवस मनाएका हुन् ।
मन्थली नगर समितिका संयोजक जनक खत्रीको अध्यक्षतामा सम्पन्न उक्तकार्यक्रममा नेपाली काँग्रेसका सचिब लेख बहादुर कार्की, महाधिवेशन प्रतिनिधि निर्मला घिमिरे,उमाकुण्ड गाँउपालिकाकी उपाध्यक्ष उर्मिला कार्की वस्नेत,
जीपी फाउन्डेशनका जिल्ला अध्यक्ष दिपक खड्का लगाएतले खिर दिवसको औचित्यतावारे बोल्नु भएको थियो ।
कार्यक्रमका प्रमुख अतिथि एबं नेपाली काँग्रेसका नेता ध्रुवहरि ढुंगेलले विपीले किसानको मर्म लाई बुझेर मुठी रोपेर मुरी उब्जाउने बेला असार १५ लाई धान रोपाईको सुरुवाती सँगै दहि चिउरा खाने र १ महिना सम्मको धान रोपाइको हिलो मैलोलाई पखाली सर्दी भगाउन साउन १५ मा खीर खाने परम्पराको सुरुवात गरेको बताउनुभयो ।
त्यसैगरी नेपाली काँग्रेसका युवा नेता एबं संघिय सांसद गगन कुमार थापाको प्रमुख आतिथ्यतामा सन्पन्न उक्त कार्यक्रममा सांसद थापा, नेपाली काँग्रेस रामेछापका निवर्तमान पार्टि सभापति रामचन्द्र खड्का, वर्तमान पार्टि सभापति लव श्री न्यौपाने ,वी पी प्रतिष्ठानका जिल्ला अध्यक्ष रामकृष्ण खड्का लगाएतले खिर दिवसको औचित्यताबारे प्रष्ट पार्नु भएको थियो
यो बारेमा तपाईको प्रतिकृया