१९ साउन, २०७६
रामेछाप- नेपाल तरुणदल उमाकुण्ड गाउँपालिकाले ‘नेपाल तरुण दल उमाकुण्ड काठमाण्डौ सम्पर्क समिति’ गठन गरेको छ । उमाकुण्ड गाउँपालिका घर भई विभिन्न कामको शिलशिलामा काठमाण्डौ बसोबास गर्ने युवाहरुलाई समेटेर सुजनजंग कार्कीको अध्यक्षतामा २६ सदसिय कार्यसमिति रहने गरी समिति गठन गरिएको हो ।
उमाकुण्ड गाउँपालिकाबाट धेरै युवा तरुणहरु काठमाण्डौ गएर बस्ने र उनीहरुको राजनीति प्रतिको रुची हराउँदै गएकाले राजनीतिक चेतना बृद्धी सँगै तरुण संगठन विस्तारको लागि काठमाण्डौ सम्पर्क समिति गठन गरिएको नेपाल तरुण दल उमाकुण्ड गाउँपालिकाका अध्यक्ष शम्सेर कार्कीको बताउनुभयो ।
नेपाल तरुण दल उमाकुण्ड काठमाण्डौ सम्पर्क समितिमा आफूलाई पहिलो नेतृत्व गर्ने मौका दिएकोमा धन्यबाद व्यक्त गर्दै अध्यक्ष सुजनजंग कार्कीले नेपाल तरुण दल बलियो र संगठित बनाउन सिंगो कार्यसमिति लाग्ने बताउनुभयो ।
नेपाल तरुण दल उमाकुण्ड गाउँपालिकाका अध्यक्ष शम्सेर कार्कीको अध्यक्षतामा भएको कार्यक्रममा उमाकुण्ड गाउँपालिकाका काग्रेस नेता, काग्रेसबाट स्थानीय तहमा निर्वाचित जनप्रतिनिधिहरुको मात्रै सहभागिता रहेको थियो ।
कार्यक्रमको प्रमुख अथिति समेत रहनुभएका नेपलाी काग्रेस रामेछापका सचिब एवं उमाकुण्ड १ का नेता विष्णु बस्नेत, उमाकुण्ड गाउँपलिकाकी उपाध्यक्ष उर्मिला कार्की, काग्रेस नेता झपडराज भण्डारी, महाधिवेशन प्रतिनिधि जमुना कार्की, तरुण नेता जीत बहादुर कटुवाल, उमाकुण्ड ६ का युवा नेता एवं जिल्ला कार्यसमिति काग्रेस रामेछापका सदस्य नारायाण खड्का, नेपाल तरुण दल रामेछापका अध्यक्ष काजी बहादुर खड्का दिनेश, काग्रेस नेता केदार बिक्रम खड्का लगायतले आ–आफ्नो भनाई राखेका थिए ।
स्थानीय सरकार गठन भएसँगै उमाकुण्ड गाउँपालिकामा अदृश्य रुपमा भ्रष्टाचार भइरहेकाले त्यसको खबरदारीका लागि नेपाल तरुण दल उमाकुण्ड गाउँपालिका अब खरो रुपमा प्रस्तुत हुने अध्यक्ष शम्सेर कार्कीले बताउनुभयो ।
यो बारेमा तपाईको प्रतिकृया