२८ साउन, २०७६
मन्थली- प्रदेश तीन की सांसद रिता माझीले अहिले तीनै तहका सरकार भ्रष्टाचारमा सक्रिय रहेको बनाउनुभएको छ । नेपाल आदिवासी जनजाति पत्रकार महासंघ (फोनिज) को २० औँ स्थापना दिवसको सोमबार रामेछापको सदरमुकाम मन्थलीमा आयोजना गरिएको कार्यक्रममा बोल्दै सांसद माझीले स्थानीय सरकार, प्रदेश सरकार र केन्द्रिय सरकारले गरेको भ्रष्टाचारको विरुद्धमा पत्रकारहरुले कलम चलाउनु पर्नेमा जोड दिनुभयो ।
‘समावेशी लोकतन्त्रको आधार, पुर्ण समावेशी सञ्चार’ भन्ने मुख्य नाराका साथ फोनिजका जिल्ला अध्यक्ष नवराज श्रेष्ठको अध्यक्षतामा भएको कार्यक्रममा फोनिज प्रदेश नं ३ का उपाध्यक्ष युवराज श्रेष्ठ, जिल्ला समन्वय समिति रामेछापका प्रमुख प्रेम बहादुर खड्का, मन्थली नगरपालिका प्रमुख रमेश कुमार बस्नेत, खाँडादेवी गाउँपालिकाका अध्यक्ष प्रेम बहादुर तामाङ, लिखु तामाकोशी गाउँपालिकाकी उपाध्यक्ष दिपशिखा दाहाल, नेपाली काग्रेस रामेछापका सचिब लेख बहादुर कार्की, नेकपा रामेछापका नेता गोपाल श्रेष्ठ, पत्रकार महासंघ ३ नं प्रदेशका सदस्य बद्री नयाँघरे, पत्रकार महासंघ रामेछापका अध्यक्ष रमेश ढुंगेल पुर्व अध्यक्ष हिमाल ढुंगेल, प्रेस चौेतारीका अध्यक्ष युनिक विफा घिसिङ, प्रेस युनियनका अध्यक्ष अप्रिल अधिकारी, प्रेस सेन्टर रामेछापका अध्यक्ष सुमित श्रेष्ठ लगाएतका वक्ताहरुले बोलेका थिए ।
कार्यक्रममा बोल्ने वक्ताहरुले पत्रकार समाजको ऐना भएकाले पत्रकारहरुले समाचार लेख्दा सत्य–तथ्यमा आधारित रहेर समाचार लेख्नुपर्नेमा जोड दिएका छन् ।
यो बारेमा तपाईको प्रतिकृया