मन्थली- नेपाल र भारत बीचको नक्सालाई लिएर देशका विभिन्न ठाउँमा नाराबाजीहरु भईरहेका बेला रामेछापमा पनि शुक्रबार साँझ नेपाल सरकार र भारत विरुद्ध नारा लागेको छ । भारतको नयाँ राजनीतिक नक्सामा नेपालको कालापानी र लिपुलेकलाई भारतमा देखाइएको विरोधमा ‘भारतिय हस्तक्षेपको विरुद्ध विरोध ¥याली’ लेखिएको कालो ब्यानर सहित ‘ओलीको राष्ट्रबाद हेरियो देशकै नक्सा फेरियो’, ‘केपी ओलीको राष्ट्रबाद भारतसँग लम्पसरबाद’ जस्ता नारा लागेका हुन् ।
नेपाल विद्यार्थी संघ रामेछापले मन्थलीको देवकोटा चोकबाट निकालेको विरोध ¥यालीले बजार परिक्रमा गरेको थियो । बजार परिक्रमा पछि देवकोटा चोकमा बिरोध ¥यालीलाई सम्बोधन गर्दै नेविसंघ रामेछाप प्रदेशसभा ‘ख’ का सभापति उत्तम कार्कीले भारतले नेपालको नक्सालाई आफ्नो भूमीमा पार्दा समेत केपी ओली नेतृत्वको सरकार मौन बसेको भन्दै सरकारकै विरुद्धमा आफूहरु नारा लगाउन बाध्य भएको बताउनुभयो ।
सभापति कार्कीले भारतले तत्काल नेपालको भूमी सहित सार्वजनिक गरेको नक्सा नसच्याए काग्रेसको एउटा संगठन मात्रै नभई तीन करोड जनता नै भारतको विरुद्धमा उत्रने चेतावनी समेत दिनुभयो । विरोध ¥यालीमा नेविसंघ, नेपाल तरुण दल, महिला संघ लगायतको सहभागिता रहेको थियो ।
यो बारेमा तपाईको प्रतिकृया