रामेछाप- २ सय ९८ औं पृथ्वी जयन्ती तथा राष्ट्रिय एकता दिवसका अवसरमा राष्ट्रिय प्रजातन्त्र पार्टीले आइतबार सदरमुकाम मन्थलीमा प्रवचन कार्यक्रम मार्फत पृथ्वीनारायण शाहलाई सम्झेको छ । कुनै पनि तहका सरकारहरुले पृथ्वी जयन्तीका अवसरमा पृथ्वीनारायण शाहलाई केही वास्ता नगरेपछि राप्रपाले शाहको योगदानको उच्च मुल्याकंन गर्दै प्रवचन कार्यक्रमको आयोजना गरेको हो । मन्थलीमा भएको प्रवचन कार्यक्रममा बोल्ने बक्ताहरुले पृथ्वीनारायण शाह राजा मात्र नभएर नेपाल एकताको प्रतिक भएकाले उहाँलाई भुल्नु भनेको आफ्नी आमालाई भुल्नु जत्तिकै भएको बताएका छन् ।
छरपस्ट रुपमा रहेका बाइसे चौबीसे राज्यहरुलाई एउटै राज्यमा जोडेर नेपाल चार जात छत्तिस जातको फुलबारी हो भन्ने सन्देश प्रवाह गरेका पृथ्वीनारायण शाहकै कारण नेपालको एकिकरण प्रक्रिया सफल भएको इतिहास हुँदा हुँदै पनि राज्य पक्षले उनलाई बेवास्ता गर्नु दुःखद कुरा भएको उनीहरुको दुखेसो रहेको छ ।
पृथ्वी नारायण शाहको दाँया बाँया राखेर माल्यपर्ण सहित भएको उक्त कार्यक्रममा सर्वसाधारणको समेत उल्लेखिय रुपमा उपस्थिती रहेको थियो । राजा पृथ्वी नारायण शाहलाई शाहंवशिय राजाको रुपमा मात्र नहेरे र नेपाल एकिकरणका योद्धा एवं राष्ट्रपिताका रुपमा पृथ्वीनारायण शाहलाई सबै सरकारहरुले सम्बोधन गर्न पनि वक्ताहरुले आग्रह गरेका थिए ।
दुईवटा नगरपालिका र ६ वटा गाउँपालिका रहेका रामेछापका कुनै पनि स्थानिय सरकार तथा सरकारी कार्यालयहरुले पृथ्वी नारायण शाहलाई सम्झन कन्जुस्याई भएपनि आफ्ना पार्टीले गर्वका साथ पृथ्वी नारायणलाई सम्झेको र समय सन्र्दभले राज्यले समेत पृथ्वी नारायण शाहको योगदानको स्मरण गराउन आफ्नो पाटीले बाध्य बनाउने राप्रपाका जिल्ला अध्यक्ष रामचन्द्र कडेलले बताउनुभयो । कार्यक्रममा विभिन्न नेता, संचारकर्मी र नागरिक समाजका अगुवाहरुको समेत सहभागिता रहेको थियो
यो बारेमा तपाईको प्रतिकृया