रामेछाप ३ मङ्सिर । रामेछाप जिल्लाको सदरमुकाम मन्थली स्थित वडा नं १,भैसेश्वरमा करिब १ करोडको लागतमा नेपाली काँग्रेसको पार्टी कार्यालय (बि.पी स्मृति भवन) बन्न लागेको छ ।
साढे २ तले (प्रति तला ९ कोेठा) भवनको कार्तिक ३० गते पहिलो तलाको ढलान कार्य सकिएको हो ।
अब बाँकी रहेको डेढ तला पनि लगातार निर्माण गरेर त्यस पछि मात्र फिनिसिङको कामलाई अगाडि बढाउने पार्टी सभापति लवश्री न्यौपानेले जानकारी दिनुभयो ।
बिभिन्न संघ संस्था तथा ब्यक्तिबाट न्यूनतम ५ सय देखि बढिमा २ लाख ५१ हजार सम्मको निर्माण सामाग्री तथा नगद प्राप्त भैरहेको र सहयोग आउने पनि जारी रहेको नेपाली काँग्रेस रामेछापका कोषाध्यक्ष कुमार श्रेष्ठले बताउनुभयो ।
२०६८ सालमा नेपाली काँग्रेस केन्द्रिय समितिका तत्कालिन पार्टी सभापति सुशिल कोइराला द्धारा उक्त भवनको शिलान्यास भएको भएपनि पार्टीको आन्तरिक बिवाद, २०७० सालको संबिधान सभाको निर्बाचन र त्यसपछि लगातार भएका स्थानीय र संघिय निर्बाचनका कारण लामो समय देखि निर्माण हुन नसकेको पार्टी कार्याल भवन हाल आएर बिभिन्न चुनौतिहरु सामाना गदै निर्माण कार्य सुरु गरेको पार्टी सचिब एक बहादुर (बिष्णु) बस्नेत बस्नेतले बताउनुभयो ।
यो बारेमा तपाईको प्रतिकृया