रामेछाप,१६ माघ । आज माघ १६ गते शहिद दिवस । जहानिया राणा शासनको विरुद्धमा लागेका ४ शहिदहरूलाई हत्या गरेको दिनका रुपमा आजलाई लिइन्छ । प्रजातन्त्र प्राप्तिका लागि गंगालाल श्रेष्ठ, शुक्रराज शास्त्री, दशरथ चन्द्र ठाकुर र धर्म भक्त माथेमालाई आजकै दिन तत्कालिन राणा शासन कालका शासकहरुले प्रजान्त्रका लागि लडेको भन्दै गोलि हानि हत्या गरेका थिए ।
शहिद सबैका साझा भएपनि शहिद दिबसको अबसरमा आज रामेछाप जिल्लामा नेकपा दाहाल–नेपाल (दाने) समुहले मात्र शहिदलाई सम्झना गरेको छ । सो समुहका जिल्ला र पालिका स्तरका नेता तथा कार्यकर्ताहरुले गंगालालको जन्मस्थान रामेछापको भंगेरीमा निर्माणाधिन पार्कमा पुगि अमर शहिदको संझना गरेका थिए ।
शहिदको संझनाका लागि भंगेरीमा पुगेका सो समुहका जिल्ला इन्चार्ज देब शंकर पौडेलको नेतृत्वमा शुक्रबार बिहान भंगेरीको निर्माणाधिन पुष्पलाल पार्कमा शहिद गंगालाल श्रेष्ठ र कम्युनिष्टका संस्थापक नेता स्वर्गिय पुष्पलाल श्रेष्ठको सालिकमा माल्यार्पण गरेका थिए ।
उनीहरुले शहिदहरूको संझनामा १ मिनेट मौनधारण समेत गरेका थिए । कार्यक्रममा सो समुहका रामेछाप नगर कमिटिका पदाधिकारीहरू र स्थानीय नेता तथा कार्यकर्ताहरुको समेत सहभागिता रहेको थियो । सो समुहले उक्त अवसरमा जिल्लामा खासै ठुलो कार्यक्रम नगरेपनि शहिदहरुलाई सम्झन भने भ्याएको थियो ।
यता मन्थली स्थित तीनलाल स्मारकमा रहेका शालिकहरूमा भने स्थानीय रामप्रसाद देवकोटा र लाल वहादुर तमाङ लगाएतले तीनलालको शालिक सरसफाई गरी माल्यार्पण गरेका थिए । अमर शहिद गंगालाल श्रेष्ठ, कम्युनिष्टका संस्थापक पुप्पलाल श्रेष्ठ र मकै खेती का लेखक एबं साहित्यकार कृष्ण लाल अधिकारीको अर्धकदको शालिक यस पार्कमा राखिएको छ । तीनलाल स्मारक पार्कलाई ब्यवस्थित बनाउन मन्थली नगरपालिकाले भौतिक संरचनाका कामहरू थालेको छ ।
यो बारेमा तपाईको प्रतिकृया