आम हड्ताल सफल भएको दाने समुहको दावी

रामेछाप, माघ २२ गते । नेकपा दाहाल–नेपाल (दाने) समुहले गरेको आम हड्ताल रामेछापमा पनि सफल भएको जिल्लाका नेताहरूले बताएका छन् ।
वन्दको समापन गर्ने क्रममा देशब्यापी रुपमा आफ्नो हाम हडताल सफल भएको भन्दै जिल्ला इन्चार्ज देवशंकर पौडेलले केपी ओलीले नेपाली जनतामाथि अपराध गरेको आरोप लगाउनु भयो । उहाले जनताको संविधान सभा मार्फत वनेको संविधानलाई कुल्चिएर उनले देखाएको स्वेच्छाचारी चरित्रका विरुद्ध नेकपा सडकमा उत्रन बाध्य भएको वताउनुभयो ।

सह इन्जार्च संघिय सांसाद श्याम कुमार श्रेष्ठले के पी ओलीले सिरमा लगाएको टोपीलाई श्रीपेच सम्झेर काम गरीरहेको आरोप लगाउनु भयो । पछिल्लो समयमा केपी ओलीले गरेका हरेक कृयाकलाप असंंम्वैधानिक भएकाे भन्दै उनी विदेशी दलाल र अराजकको नेता भएको वताउनुभयो ।
विहिवार विहानै देखि मन्थली वजारका सडकमा निस्केका आन्दोलनकारीहरुले सवै पसल, यातायात, कलकारखाना र विद्यालयहरु बन्द गर्न आग्रह गरेका थिए । जसका कारण मुख्य बजार पूर्ण रुपमा ठप्प जस्तै रहेको थियो भने जिल्ला सदरमुकाममा शैक्षिक संस्था पनि वन्द रहेका थिए । बन्दका कारण लामो तथा छोटो दुरीका सवारी साधनहरु चलेन् भने मन्थली वजार का मुख्य भागहरु पनि वन्द रहेका थिए ।
सरकारी कार्यालयहरु खुलेपनि सेवाग्राहि को उपस्थिति न्यून रहेको थियो सडकमा सुरक्षाकर्मीहरु तैनाथ रहेका थिए, भने जनपद र शसस्त्र प्रहरीको मोवाइल गस्ती टोली पनि घुमिरहेको थियो ।