रामेछाप १२ फागुन । मंगलबार सर्वोच्च अदालतले संसद पुनःस्थापना सम्बन्धी गरेको निणर्यको पक्षमा बुधबार सदरमुकाम मन्थलीमा विजय र्याली निकालिएको छ ।
मंगलबार साँझ मन्थलीमा दीप प्रज्वलन गरी फैसलाको स्वागत गरेको नेकपा दाहाल- नेपाल (दाने) समुहले बुधवार दिउँसो अदालतको फैसलाको स्वागत गर्दै विजय जुलुस निकालेको हो ।
र्यालीमा सहभागि नेता तथा कार्यकर्ताहरुले सर्बोच्चको पक्षमा लेखिएको ब्यानर,राष्ट्रिय झण्डा र पार्टिको झण्डा समेत बोकेर विभिन्न नारा सहित बजार परिक्रमा गरेका थिए । र्यालीका सहभागिहरुले बजार परिक्रमा संगै एक आपसमा अविर जात्रा गरी खुसि साटासाट गरेका थिए । जुलुसका सहभागीहरुले कार्यक्रम सुरु हुनु अघि मोटर साईकल र्यालीसहित बजार परिक्रमा समेत गरेका थिए ।
र्याली बजार परिक्रमा पछि स्थानीय देबकोटा चोकमा पुगेर कोण सभामा परिणत भएको थियो । सभामा बोल्दै पार्टिका जिल्ला ईन्चार्ज देबशंकर पौडेलले सर्बोच्च अदालतलको फैसलाले संविधानको सर्बोच्चता कायम गरेको भन्दै फैसलाको आफ्नो पार्टिले स्वागत गरेको बताउनुभयो । उहाँले सर्बोच्च अदालतले गरेको निणर्यले सिङ्गो नेपाली जनताको जित भएको भन्दै फैसलाको लागि न्यायमुर्तिहरुलाई धन्यबाद दिनु भएको थियो । कार्यक्रममा जिल्ला अध्यक्ष मैनकुमार मोक्तान, सचिब शान्तिप्रसाद पौडेल लगाएतले सत्ताको पक्षमा नभई सत्यको पक्षमा फैसला भएको भन्दै खुसी ब्यक्त गर्नु भएको थियो ।
सर्वोच्च अदालतले मंगलवार संसद पुनःस्थापनाको फैसला गर्दै १३ दिन भित्र सांसदहरुको वैठक डाक्न समेत निर्देशन दिएको छ ।
यो बारेमा तपाईको प्रतिकृया