रामेछाप २५ फागुन । नेपाल कम्युनिष्ट पार्टी (नेकपा) खारेजको फैसला सर्वाेच्च अदालतले गरिदिएपछि मंगलवार रामेछापको मन्थलीमा पनि नेकपा को साइनवोर्ड हटाएर नेकपमा एमालेको बोर्ड राखिएको छ ।
यस अघि पार्टि एकिकरण भएपछि नेपाल कम्युनिष्ट पार्टी (नेकपा) जिल्ला पार्टी कार्यालय को वोर्ड राखिएको भएपनि मंगलवार पुन नेकपा एमालेको बोर्ड राखिएको हो ।
सर्वोच्च अदालतले नेकपा लाई खारेजी गरेपछि साविकको एमालेलाई ब्यूताइएको हो ।
पार्टि कार्यालयको उद्घाटन नेकपा एमालेका केन्द्रीय सदस्य एबं वागमती प्रदेशका आर्थिक मामिला तथा योजना मन्त्री कैलाश प्रसाद ढुंगेलले एक कार्यक्रमका विच गर्नु भएको थियो । कार्यक्रममा यस अघि दाहाल नेपाल समुहमा खुलेर लाग्नु भएका बागमती प्रदेशका सांसद शान्ति प्रसाद पौडेल लगायतका अन्य नेता तथा कार्यकर्ता एबं यस अघि ओलि समुह भनेर चिनिएका जिल्ला स्थित नेताहरुको सहभागिता रहेको थियो । बोर्ड परिवर्तन गर्ने क्रममा नेकपा एमालेका नेता तथा कार्यकर्ताहरुले नेकपा एमाले –जिन्दाबाद , आज हैन भोलिलाई –दश वर्ष ओलीलाई भन्ने जस्ता नाराहरु लगाएका थिए ।
नेकपा एमालेको कार्यालय उद्घाटनका क्रममा मन्त्री ढुंगेलल सर्वोच्च अदालतको फैसला अनुरुप आफूहरू अगाडि बढेको बताउनुभयो । उहाँले नेपालको कम्युनिष्ट आन्दोलनलाई एकीकृत,परिमार्जन,समयसान्दर्भिक बनाउने सिलसिलामा आज नयाँ ढङ्गको अवस्थामा आइपुगेको बताउनुभयो । पार्टीभित्रका कतिपय मान्छेहरूले सरकारले गरेका राम्रा कामलाई सकरात्मक रुपमा अगाँल्न नसक्दा वर्तमान अबस्था सिर्जना भएको बताउनुभयो । उहाँले पार्टीभित्रकै केहि मानिसहरु प्रधानमन्त्री केपी शर्मा ओली नेतृत्वको सरकारले काम गर्न सकेन भनेर सरकारनै फेर्नुपरयो भनेर कांग्रेस सभापति शेर बहादुर देउवासम्म पुगेको पनि बताउनुभयो । जनताको बहुदलिय जनवादलाई हतियार बनाएर पार्टीको छत्रछाँयामा रहि नेकपा एमाले रामेछापले आफ्ना गतिविधिहरूलाई द्रुत गतिमा अगाडि बढाउने योजना रहेको पनि मन्त्री मन्त्री ढुंगेलले वताउनुभयो ।
यो बारेमा तपाईको प्रतिकृया