रामेछाप– सरकारले बितरण गर्न लागेको राष्ट्रिय परिचय–पत्रको काम रामेछापमा आगामी आर्थिक वर्षको साउन १ गतेबाट सुरु हुने भएको छ । जिल्ला प्रशासन कार्यालय रामेछापमा सोमबार बसेको सर्बपक्षिय बैठकमा प्रमुख जिल्ला अधिकारी रुद्रादेवी शर्माले राष्ट्रिय परिचय पत्रका लागि बिबरण संकलनको काम साउन १ गतेदेखि जिल्ला प्रशासन कार्यालयबाट गरिने बताउनुभयो ।
नागरिकहरुको बैयक्तिक तथा जैबिक बिबरण भएको राष्ट्रिय पहिचान सहितको सुबिधायुक्त बहुउपयोगि प्रमाणपत्रका रुपमा लिइएको राष्ट्रिय परिचय–पत्र भएपछि अन्य सरकारी परिचय पत्रहरु साथमा राख्नुपर्र्नेे झन्झटबाट मुक्त हुने बताइएको छ । परिचय पत्रका लागि बिबरण भर्न सम्बन्धित ब्यक्ति स्वयम आफ्नो सक्कलै नागरिकता र संम्भव भएसम्म बुवा आमाको पनि सक्कलै नागरिकता लिएर आउनुपर्ने पनि प्रजिअ शर्माले बताउनुभयो । साउन महिना देखि बिबरण संकलन गरिने भएपनि बितरण भने फागुन देखि मात्र गरिने पनि उहाँले बताउनुभयो ।
२०७५ सालमा पाँचथर जिल्लाबाट सुरु गरिएको यो कार्यक्रम देशका सबै जिल्लामा पुर्याउने लक्ष्यका साथ सरकारले काम अगाडि बढाई रहेको छ ।
यो बारेमा तपाईको प्रतिकृया