खाँडादेवी,२८ असोज । दशैका बेला यात्रुको चापका कारण हुन सक्ने सम्भावित दुर्घटनालाई मध्यनजर रामेछापको खाडाँदेवी गाँउपालिका वडा नं–३ भीरपानीमा निःशुल्क खाजा सहितको विश्रामस्थल सञ्चालन गरिएको छ ।
सम्भावित दुर्घटना न्यूनिकरणका लागि रामेछाप प्रहरी र खाँडादेवी गाँउपलिका वडा नं–३ माकादुमले नयाँ अभ्यासको सुरुवात गरेका हुन् ।
यहि असोज ११ र १२ गतेको अविरल बर्षाको कारण खुर्कोट र खैरेनीघाटको पुल वगाएपछि सिन्धुपाल्चोकको मुडे र दोलाकाको चरिकोट हुँदै लामो दुरी वाट खाडादेवी र सिन्धुलीका विभिन्न पालिकाहरुमा सवारी आवागमन बढन थालेका कारण दुर्घटना नहोस भन्ने उद्देश्यले यस ठाँउ ( प्रगतिशिल मावि भिरपानी नजिकै ) मा यो अभियान आफुले ब्यक्तिगत तर्फवाट सञ्चालन गरेको खाँडादेवी गाँउपालिका वडा नं–६ का वडाअध्यक्ष नारायण कार्कीले बताउनुभयो ।
यस अघि ( घटस्थापना देखि फुलपातिको दिन सम्म) यस क्षेत्रमा पटक पटक २ ÷३ दुर्घटना भई मानविय क्षति समेत भएका कारण अब यस्तो नहोस नहोस भन्ने उद्धेश्यले यो अभियान सञ्चालन गरेको पनि अध्यक्ष कार्कीले बताउनुभयो ।
उहाले भन्नुभयो “लामो दुरी पार गरेर अएका सवारी साधनहरु को ब्रेक तातेर अनियन्त्रीत भई यस क्षेत्रमा साना र ठुला गरी २÷३ वटा दुर्घटना भएकाले सवारी साधनहरु त्यसै रोक्न खोज्दा चालकहरुले नमानेपछि यो उपाय लगाइएको हो । ”
यो अभियान दशैका लागि घर जान हिडेका सर्वसाधारण हरुका लागि यहि असोज २४ र २५ गते गरिएको असोज २६ र २७ गते धेरै सवारी साधनहरु यस सडक मार्गबाट नगुडेका कारण केहि समय बन्द गरिएको र फेरी दशै मानेर काठमाण्डौ फर्कनेहरुका लागि (अबस्था र परिस्थीती हेरेर) यो अभियान पुःन सुचारु गर्न सकिने पनि उहाले जानकारी दिनुभयो । उक्त स्थानमा खाजाका लागि विस्कुट चाउचाउ लगाएतका ड्राइफुड राखिएको थियो भने मिनिरल वाटर, कोक, फेन्टा, डिउ लगाएतका चिसो पेय पदार्थ समेत निःशुल्क रुपमा उपलब्ध गराउने गरी सवारी विश्राम स्थल सञ्चालन गरिएको थियो ।
काठमाण्डौ बाट नेपालथोक हुँदै खुर्कोट र खैरेनी घाटको पुल तरेर जिल्लाका विभिन्न भागहरुमा आउने जाने गरेका सवारी साधनहरु यस अघि को वार्षाका कारण सुनकोसी नदीमा आएको बाढिले ति दुवै स्थानका पुलहरु वगाए पछि मुडे चरिकोट मन्थली हुँदै यो सडक मार्ग भएर विभिन्न जिल्ला मा आओत जावत गर्ने सवारी साधनहरुको चाप बढेको थियो ।
रामेछाप जिल्ला प्रहरी प्रमुख प्रदिप कुमार सिंहले वडाले गर्नलागेका सकरात्मक काममका लागि आफुले पनि सहयोग गरेको बताउनुभयो । उहाले भन्नुभयो– “नागरिकको जिउ धनको सुरक्षा गर्नु हामी सबैको कर्तब्य भएकोले वडा नं–६ का वडाअध्यक्ष कार्कीको बिषेश पहलमा यो अभियान सञ्चालन गरिएको हो ।”
भीरपानीको सित्खा देखि पकरवासको गोगनपानी डाँडा सम्म उकालो र गोगनपानी देखि भीरपानीको चरी खोला सम्म ओरालो बाटो भएकोले यहा ब्रेक तातेर अलि बढि दुर्घटना हुन सक्ने संभावना रहेको छ । विभिन्न ठाँउमा गएको पहिरो पन्छाउँदै र चरी खोलाले वगाएको बाटो मर्मत पछि मात्र सञ्चानमा आएको उक्त सडकमा जोखिम पर्याप्त छ । उक्त दुर्घटनालाई न्यूनिकरण गर्नका लागि यो अभियान सञ्चालन गरिएको पनि वडा अध्यक्ष कार्कीले बताउनुभयो ।
प्रहरी र वडा अध्यक्ष कार्कीको यो सामाजिक काम प्रति गाडिमा यात्रा गर्ने यात्रीहरु मात्र नभएर चालक,सहचालक र स्थानीय वासीहरु समेत खुसी भएको कुरा स्थानीय राजेश कुमार श्रेष्ठले बताउनुभयो ।
यो बारेमा तपाईको प्रतिकृया