१७ बैशाख, २०७६
रामेछाप– भर्खरै नयाँ प्रजिअको रुपमा काम सम्हालेकी रामेछापकी प्रजिअ लिला कुमारी के.सी. पाण्डेले आफ्नो कार्यकालमा जिल्लामा शुसासन कायम गर्ने प्रतिवद्धता ब्यक्त गर्नुभएको छ । गृह मन्त्रालयले प्रजिअको जिम्मेवारी दिएर जिल्लामा पठाएको एक हप्ता पछि जिल्लाका सञ्चार कर्मीहरुसंग भेटघाट गर्ने क्रममा प्रजिअ केसीले सोमवार सो कुराको प्रतिवद्धता ब्यक्त गर्नुभयो ।
परिचयात्मक कार्यक्रममा संचारकर्मीहरू वाट आएको सुझाव हरूलाई मनन गर्दै प्रजिअ के.सीले पत्रकारहरू बाट आएको सुझावहरू जिल्लाको शुसासन कायम गर्नका लागि महत्वपूर्ण आधार भएको भन्दै उठेका विषय लाई कार्यान्वयनमा लैजाने सवालमा आपूm गम्भिरताका साथ लागि पर्ने बताउनुभयो । जिल्ला प्रशासनबाट प्रवाह हुने सेवा र नागरिकसँग जोडिएका बिभिन्न सवाललाई आपूmले प्राथमिकतामा राख्ने र नागरिकको सहजताकालागि सरोकारवाला निकायहरुसँग समन्वय गरेर काम गर्ने पनि उहाँले बताउनु भयो ।
भेटघाटका क्रममा सहभागि सञ्चारकर्मीहरुले जिल्लाको बजार अनुगमन प्रभावकारी हुन नसकेको र अनुगमनका क्रममा फेला परेका दोषिलाई अहिले सम्म कार्वाहि नहुदा उनीहरूको मनोवल बढेको, सडक र यातयातको अवस्थामा सुधार आउन नसकेको, शान्ति सुरक्षाका सवालमा सर्बसाधारण नागरिकहरुले निर्धक्कताका साथ खुलेर बोल्न र हिड्न सक्ने अबस्था नरहेको स्थानीय निकायमा झाँगिएको भष्ट्राचार संस्थागत हुँदै गएको , सरकारी कार्यालयका सूचना अधिकारीहरूले जिम्मेवारीका साथ सूचना प्रबाह नगरेको, सर्व साधारण सूचनाको हक बाट बच्चित रहेको भन्दै त्यसको सुधार आबश्यक रहेको सुझाव दिएका थिए । केसीले यस अघिका प्रजिअ कृष्ण प्रसाद शर्माको सरुवा पछि भर्खरै जिल्ला प्रशासन कार्यालय रामेछाप को जिम्मेवारी सम्हानु भएको हो ।
प्रजिअ केसिले आफ्नो कार्यकालको सूचना प्रशारण तथा प्रभावबारी सेवा प्रवाह लगाएतका कार्यमा अतुलनिय सहयोग गरेको भन्दै यस अघिका प्रजिअ कृष्ण प्रसाद शर्माद्वारा हस्ताक्षरीत प्रसंसा पत्र ५ जना पत्रकार हरुलाई प्रदान गर्नु भएको थियो । यसरी प्रशंसा पत्र पाउने पत्रकारहरूमा नबराज पथिक, सुमित श्रेष्ठ, दीपक भट्ट, रामचन्द्र वि.क र नवराज श्रेष्ठ रहनु भएको छ । प्रजिअ शर्माले आफु सरुवा भएर अन्यत्र गए पनि आफ्नो कार्यकालभर ति पत्रकाहरुले उल्लेख्य सहयोग गरेको भन्दै प्रशंसा पत्र पठाउनु भएको थियो ।
यो बारेमा तपाईको प्रतिकृया