रामेछाप, ९ फागुन । प्रहरी महानिरीक्षक शैलेश थापा क्षेत्रीले कर्ममा विश्वास गर्ने प्रहरीहरु कहिल्यै पनि धन्यवादको आकांक्षि नहुने वताउनु भएको छ ।
सो कुरा उहाँले आइतवार रामेछापको मन्थलीमा नव निर्मित जिल्ला प्रहरी कार्यालय भवनको उद्घाटन कार्यक्रमका अवसरमा वताउनुभएको हो । उहाले प्रहरी जहिले पनि आलोचित हुने र गाली खाने पात्र भए पनि आफुले त्यसलाई स्वभाविक रुपमा लिने गरेको वताउनु भयो । उहाले भन्नुभयो– “जसरी समाजमा सासुले मन पर्ने वुहारीलाई बढि गाली गर्ने र आलोचना गर्ने चलन छ त्यस्तै गरी प्रहरी पनि आम नागरिकवाट बढि माया पाएकोले आलोचित हुनु र गाली खानु सामान्य कुरा हो ।”
आम नागरिकबाट माया पाएकै कारण नागरिकहरुले आफ्नो करेसावारीमा फलेको साग देखि आफुसँग भएको जग्गा समेत निःशुल्क दिएर प्रहरीलाई माया गर्ने गरेको पनि वताउनुभयो ।
उहाले प्रहरी प्रतिको सबैको माया, ममता, चासो र चिन्ता देख्दा आफुलाई ज्यादै खुसी लाग्ने गरेको वताउनुभयो । आफ्नो संगठनको मालिक सरकारी वकिल भएको भन्दै सरकारी वकिल, प्रशासन र प्रहरी विच समन्वय गरेर काम गर्ने गरेको भन्दै प्रहरीले एक्लै केहि गर्न नसक्ने बताउनुभयो । उहाले अपराध अनुसन्धान र अन्यकामका लागि सरकारी वकिल ड्राइभर र आफुहरु त्यसको पेसिन्जर भएको पनि वताउनुभयो ।
कार्यक्रमका अवसरमा वागमती प्रदेश प्रहरी प्रमुख वसन्त लामा, मन्थली नगरपालिकाका नगर प्रमुख रमेश कुमार वस्नेत र निमित्त प्रमुख जिल्ला अधिकारी लिलाराज सुनुवार लगाएतले जिल्लामा वनेको सुबिधा सम्पन्न भवनले प्रहरीको कार्यसञ्चालनमा सहजता सँगै गुणस्तरीयता थपिने वताउनुभयो ।
कुल ७ करोड ५५ लाख ३३ हजार ६ सय पाँच रुपैयाको लागतमा नव निर्मित २ वटा भवन,भान्छा घर र शौचालय निर्माण भएको कार्यक्रमका अवसरमा जानकारी गराइएको थियो । सो अवसरमा निर्धारित समयमै कार्य सम्पन्न गर्ने सुनकोशी कन्ट्रक्सन प्रालिका युवराज भट्टराइ र राजु श्रेष्ठ साथै भवन निर्माणमा उल्लेख्य योगदान गर्ने केदार वाबु कार्की लगाएतलाई प्रंससा पत्र प्रदान गरिएको थियो ।
यो बारेमा तपाईको प्रतिकृया