१२ जेठ, २०७६
रामेछापको बिभिन्न सरकारी कार्यालयहरुमा फेरि कर्मचारी अनुपस्थित रहेको भेटिएको छ । जिल्ला प्रशासन कार्यालय रामेछापले आइतबार गरेको छड्के निरीक्षणमा ६१ जना कर्मचारी अनुपस्थित रहेको भेटिएको हो ।
रामेछापका अधिकांस सरकारी कार्यालयमा कर्मचारी अनुपस्थित हुने यो नै पहिलो घटना भने हैन । यस अघि पनि पटक-पटकको अनुगमनका क्रममा कार्यालय समयमा कर्मचारी नबस्ने गरेको भेटिएको थियो । पछिल्लो पटक जि प्रशासन कार्यालय रामेछापले अनुगमनको सक्रियता बढाए सँगै ठूलो संख्यामा कर्मचारी अनुपस्थित हुने तथ्यांक सार्वजनिक हुन थालेको हो ।
निरीक्षणमा जाँदा अधिकांस कर्मचारीहरूले परिचयपत्र र केही कर्मचारीहरुले पोशाक समेत नलगाएको भेटिएको जिल्ला प्रशासन कार्यालय रामेछापले बताएको छ ।
अनुपस्थित रहेका कर्मचारीलाई नियमानुसार कारबाही गरिने प्रशासन कार्यालयले जानकारी दिएको छ । त्यस्तै पोशाक र परिचयपत्र नलगाउने कर्मचारीहरूलाई तत्काल लगाउन निर्देशन दिएको पनि प्रशासन कार्यालय बताएको छ ।
यो बारेमा तपाईको प्रतिकृया