रामेछाप २४ जेठ । मन्थली नगरपालीका १ भैसेश्वर बस्ने योगेन्द्र न्यौपाने र उहाँकि श्रीमति अप्सरा न्यौपाने दम्पतिले आफ्नो निजि लगानीमा मन्दिर र चौतारो निर्माण गर्नु भएको छ । पछिल्लो समयमा मानिसहरुमा धार्मिक आस्थामा आएको गिरावट र धार्मिक तथा अन्य सार्बजनिक महत्वका काम गर्नु पर्दा सरकारी बजेटको मात्र मुख ताक्ने सोचाईलाई चुनौति दिदै उहाँहरुले दुई छुट्टा छुट्टै ठाउँमा मन्दिर र चौतारो निर्माण गर्नु भएको हो ।
आफनो कमाईको निश्चित प्रतिसत धार्मिक तथा सामाजिक काममा खर्च गनुृपर्छ भन्ने मान्यता र विश्वास लिनु भएको यो दम्पतिले भलुवाजोरको जामुनाबोटमा करिब ३ लाखको लागतमा काली देवी मन्दिर निर्माण गर्नु भएको छ । जिल्लाका ऐतिहासिक महत्व बोकेर पनि प्रचार प्रसारको अभाबमा छायाँमा परेको काली देवी मन्दीरको जिर्णाेद्धार स्वरुप त्यसको ब्वस्थापन गर्दे थप देवीको नयाँ मुर्ति सहित नयाँ मन्दिर निर्माण गरिएको धार्मिक अभियान्ता योगेन्द्र न्यौपानेले बताउनु भयो ।
जिल्लाको खाँडादेवी मन्दिर,तिल्केस्थान देवी, ऐरम्बास देवी,र जमुनाबोटको कालीदेवी चारै देवीको एतिहासिक महत्वका कारण तत्कालिन राणा सरकारले अन्य तीन देवीलाई सरह कालीदेवीलाई पनि हरेक वर्षको बडा दशैको अबसर पारेर पुजाको सामाग्रि संगै बलि पुजाको ब्यवस्था गर्दे आएको बुढापाकाहरुको भनाई रहेको छ ।
पछि सरकारी बेवास्ताको शिकार भए पनि तीन देवीको संरक्षणमा स्थानिय र सरकारहरुको ध्यान गएका कारण तीनवटै मन्दिरको निर्माण, जिर्णाेदार र प्रचार प्रसार ब्यापक मात्रमा हुँदै आएको छ । तर कालिदेवी मन्दिरको बारेमा सबै क्षेत्रबाट बेवास्ता भएपछि आफुहरुले खुसिका साथ मन्दिरको जिर्णाेदार तथा निर्माण कार्य गरिएको उहाँहरुको भनाई रहेको छ । ऐतिहासिक महत्वका बारेमा सुनेको र बुढापाकाहरुको भनाईबाट प्रेरित न्यौपाने दम्पतिले आफनै लगानिमा नयाँ मन्दिर निर्माण गरि मन्दिर परिसरमा रुद्रि पुजा समेत लगाउनु भएको छ ।
न्यौपाने दम्पत्तिले गत वर्ष पनि मन्थली १ को चन्द्रशेखरेश्वर मन्दिर परिसर तथा निर्माणाधिन बृद्धाश्रम भवन संगै करिब डेढ लाख रुपैयाँको लागतमा चौतारो निर्माण गर्नु भएको थियो । समाजका सरोकारवालाहरु समेतलाई डाकेर उहाँहरु आफैले रोपेर हुर्काएको वर पीपलमा चौतारो निर्माण गरि विवाह समेत गराईदिनु भएको थियो ।
ईश्वर प्रतिको लगाब र मानब कल्याणका लागि धार्मिक आस्था प्रति समर्पिंत यो दम्पतिले हरेक वर्ष आफनो कमाईको निश्चित प्रतिसत धार्मिक तथा सार्वजनिक महत्वका क्षेत्रमा खर्च गर्ने आफनो सोचाई अनुरुप मन्दिर र चौतरो निर्माण गर्नु भएको हो । यि दुई काम बाहेक उहाँहरुले यस अघि पनि धार्मिक महत्वका अन्य थुप्रै काम गर्दे आउनुभएको छ ।
यो बारेमा तपाईको प्रतिकृया