रामेछाप २४ मंङ्सिर । रामेछाप सास्कृतिक कलाकार समाजको मन्थलीमा सम्पन्न नगर स्तरीय भेलाले दुर्गा नाराण श्रेष्ठको अध्यक्षतामा मन्थली नगर स्तरीय सास्कृति कलाकार समाजको कार्यसमति गठन गरेको छ ।
यसरी नव गठित कार्यसमितिमा रहनेहरुमा उपाध्यक्ष, सचिब, सह–सचिब, कोषाध्यक्ष मा क्रमशः इश्वरी बस्नेत, नवराज श्रेष्ठ, राम वि पी मगर, र भावना कार्की रहनु भएको छ भने सदस्यहरुमा दिक्षा महत, भद्र कुमारी मगर, निकिता चौहान, सुरुचि मगर, अनिता मगर, सिर्जना रोक्का, केशब पाख्रिन र सन्तोष बस्नेत रहनु भएको छ ।
रामेछाप सास्कृतिक कलाकार समाजका नगर स्तरीय संयोजक सविन चौहानको अध्यक्षतामा सम्पन्न उक्त भेलाको उद्घाटन मन्थली नगरपालिकामा नगर प्रमुख रमेश कुमार बस्नेतले पानसमा बत्ति बालेर गर्नु भएको थियो ।
उहाले कलाकार नगरका गहना भएको भन्दै उनीहरुलाई हरेक क्षेत्रबाट सहयोग गर्ने प्रतिबद्धता ब्यक्त गर्नुभयो । अरु कार्यक्रमहरुको तुलनामा मेला तथा महोत्सवहरुमा कलाकारको अत्यन्तै महत्वपूर्ण भूमिका हुने भन्दै कलाकारीता लाई जोगाइराख्नु पर्ने कुरालाई जोड दिनुभयो ।
सो अबसरमा रामेछाप सास्कृतिक कलाकार समाजका वर्तमान अध्यक्ष रामकुमार कार्की,संस्थापक अध्यक्ष अमृत सुनुवार,मानार्थ सदस्य लेखबहादुर कार्की, मन्थली नगरपालिका वडा नं १ का कार्यबाहक अध्यक्ष गजेन्द्र थापा, वडा नं ३ का अध्यक्ष केशव रोक्का, नेपाल पत्रकार महासंघ रामेछापका अध्यक्ष रमेश ढुंगेल, जिल्ला बचत तथा ऋण सहकारी संस्थाका अध्यक्ष जगन्नाथ दाहाल, सल्लाहकार पूर्ण सुबेदी लगाएतले रामेछाप कलाकार समाजले जिल्लामा दिएको योगदानको चर्चागर्दै पालिका स्तरीय कार्यसमिति गठन कार्य सुरु गरेको प्रति मुक्त कण्ठले प्रसंसा गर्नुभयो ।
यो बारेमा तपाईको प्रतिकृया