खेलाडी युवाहरुलाई जर्सि वितरण

रामेछाप २६ असार । रामेछाप नगरपालीकाका प्रमुख नर बहादुर थापा मगरले शारदा संस्कृत मावि बावियाखर्कका छात्रछात्रा तथा रामेछापको डुम्रिखर्क र सल्लेका युवाहरुका लागि ३५ जोर जर्सि वितरण गर्नु भएको छ । उहाँले शनिबार एक समारोहका विच रामेछाप नगरपालीका वडा नं ८ का समाजसेवी राम प्रसाद घिमिरेले प्रदान गर्नु भएको खेलाडी युवाहरुका लागि जर्सि वितरण गर्नु भएको हो ।

रामेछाप नगरपालीकाका प्रमुख नर बहादुर थापा मगरको हातबाट रामेछापको डुम्रिखर्क र सल्लेका युवाहरुका लागि ३५ जोर र छात्र छात्राका लागि २० जोर जर्सि प्रदान गर्नु भएको हो । कार्यक्रममा प्रमुख अतिथिको आसनबाट बोल्दै नगर प्रमुख थाापा मगरले नगरपालीकाले पनि खेलकुदको विकासलाई प्राथमिकताका साथ अगाडि बढाईरहेको बेला समाजसेवी घिमिरेले खेलाडिहरुका लागि गरेको योगदान प्रति आभार प्रकट गर्नुभयो ।

कार्यक्रमका अबसरमा घिमिरेले स्वास्थयका लागि खेल र युवाका लागि खेल आबश्यक रहेको र त्यसको प्रवद्र्धन गर्नका लागिआफुले विद्यालयका छात्र छात्राका लागि र आफना वडाका युवाहरुका लागी जर्सि वितरण गरेको र यो अभियानलाई आफुले निरन्तरता दिंदै जाने पनि बताउनु भयो ।

वडा नं ८ का वडाध्यक्ष केदार कार्कीको अध्यक्षतामा भएको उक्त कार्यक्रममा नेपाल पत्रकार महासंघका जिल्ला अध्यक्ष बद्री नयाँघरे विद्यालय ब्यवस्थापन समितिका अध्यक्ष शिब प्रसाद घिमिरे, विद्यालयका प्रअ नारायण प्रसाद घिमिरे लगायतले घिमिरेले गरेको कामको प्रशंसा गर्दे यो अभियानलाई उहाँले अन्य वडा र विद्यालयहरुमा समेत विस्तार गर्न सुझाव दिनुभएको थियो ।