१० साउन, २०७५
रामेेछाप- पछिल्लो समयमा मुहार पुस्तिकाको उपनामले समेत चिनिने फेसबुकको कारण धेरै मानिसले ज्यान गुमाइ रहेका छन् । दैनिक रुपमा फरक-फरक तस्बिर राखेर लाइक र कमेन्ट बढाउने होडले खोला, ठूल-ठूला नदी, अफ्ठेरो भिर, हिंस्रक जनावरको छेउ लगायतका ठाउँमा गएर सेल्फी खिच्दा युवाहरुले ज्यान गुमाइ रहेका छन् । त्यस्तै घटना शुक्रबार रामेछापमा पनि घट्यो ।
भक्तपुरबाट कालिन्चोक दर्शनका लागि रामेछापको मन्थली हुँदै तामाकोशीको किनारै किनार जाँदै गरेका चार जना कठजोरको फेदीमा कोशीको चिसो हावा खान गाडीबाट ओर्लिए ।
साउनको महिनामा उर्लेर आएको कोशीमा चार जना मध्ये एक युवती मोबाइलबाट सेल्फी खिच्न कोशीको किनारमा देखिएको ढुंगामा टेक्न पुगिन । सेल्फी खिच्न नपाउँदै उनी ढुंगामा चिप्लिएर कोशीमा लडिन ।
कठजोर खोला नजिककैबाट उनी कोशीमा डुबेको खबर तत्काल जिल्ला प्रहरी कार्यालय रामेछापले पायो । उनको उद्धारको लागि कोशीको विभिन्न स्थानमा प्रहरी राखियो । उनी करिब १०/१५ मिनेटको समयावधीमा कोशीमा बग्दै मन्थली एयरपोर्ट नजिक आइपुगिन् ।
उनलाई उद्धार गर्न प्रहरी सफल भयो र उनलाई बचाउनको लागि तामाकोशी सहकारी अस्पताल पुर्याइयो । तर उनलाई बचाउन सकिएन । भक्तपुरको महालक्ष्मीथान घर भएकी सर्मिला कर्मचार्यले एउटा सेल्फीकै कारण कोशीमा डुबेर ज्यान गुमाइन ।
उनीसँग कालिन्चोक दर्शनका लागि हिडेकी उनकी दिदी, उनकी एक महिला साथी र आफू काम गर्ने दन्त अस्पतालका डाक्टर आँखा भरी आँसु लिएर सँधैका लागि सर्मिलालाई छोडेर कालिन्चोक दर्शननै नगरी भक्तपुर फर्के ।
यो बारेमा तपाईको प्रतिकृया