२० साउन, २०७६
सिहंदरबारको अधिकार गाउँ–गाउँमा आएको भनिए पनि त्यसको महसुस आफूहरुले गर्न नपाएको अपाङ्गता भएका व्यक्तिहरुले गुनासो गरेका छन् । लामो समय पछि स्थनीय सरकारका जनप्रतिनिधिहरु आएको र उनीहरुले समाजबाट हेपिएका अपाङ्गता भएका व्यक्तिहरुलाई सहजता हुने गरि काम गर्ने अपेक्षा लिएको भए पनि त्यसको महसुस आफूहरुले गर्न नपाएको उनीहरुले गुनासो गरेका छन् ।
मबार मन्थलीमा सरोकारवालहरुसँगको ‘अपाङ्गता समावेशी विकास’ विषयक अन्तरक्रिया कार्यक्रममा बोल्दै अपाङ्गता भएका व्यक्तिलाई रामेछापका केही स्थानीय सरकारले अपाङ्ग परिचय पत्र वितरण गर्न समेत नसक्दा स्थानीय सरकार पनि आफूहरु प्रति अनुदार भएको अपाङ्ग सचेतन केन्द्र रामेछापका अध्यक्ष बद्री नयाँघरेले दुखेसो गर्नुभयो ।
अन्तरक्रिया कार्यक्रममा आफ्नो भनाई राख्दै सहभागिहरुले हरेक क्षत्रमा अपाङ्गता भएका व्यक्तिलाई समान ढंगले समावेश गराउने गरी नीति नियममै अनिवार्य सहभागिताको लागि बाटो खुलाउनु पर्नेमा जोड दिएका छन् ।
कार्यक्रममा बोल्दै जिल्ला समन्वय समिति रामेछापका सदस्य पुर्ण बहादुर महत, जिल्ला प्रशासन कार्यालय रामेछापका लक्ष्मण भुजेल, उद्योग बाणिज्य संघ रामेछापका बरिष्ठ उपाध्यक्ष केशब घिमिरे, नेपाल पत्रकार महासंघ रामेछापका अध्यक्ष रमेश ढुङ्गेल, जिल्ला सहकारी संघका कार्यबहाक अध्यक्ष हिमाल ढुङ्गेल, जिल्ला बचत तथा ऋण सहकारी संघका अध्यक्ष जगन्नाथ दाहाल, नेपाल रेडक्रस सोसाइटी रामेछाप शाखाका मन्त्री जयप्रकाश श्रेष्ठ, महिला उपहार मञ्च नेपाल रामेछापकी अध्यक्ष कबिता श्रेष्ठ लगायतले अपाङ्गता भएका व्यक्तिहरुलाई भत्तामुखी कार्यक्रम भन्दा दिर्घकालिन आम्दानी हुने किसिमका कार्यक्रम राज्यले ल्याउनु पर्नेमा जोड दिएका छन् ।
नेपाल अपाङ्ग महिला संघ काठमाण्डौ र महिला उपहार मञ्च नेपाल रामेछापको आयोजनामा भएको अन्तरक्रियामा नेपाल अपाङ्ग महिला संघकी महासचिब मिना पौडेल र कार्यक्रम संयोजक सरिता लामिछानेले अपाङ्गता भएका व्यक्तिहरुको वर्तमान अवस्था, राज्यले हेर्ने दृष्टि, अपाङ्गताको क्षत्रमा आएका केही परिवर्तन लगायतको बारेमा जानकारी गरएका थिए ।
यो बारेमा तपाईको प्रतिकृया