२८ साउन, २०७६
मन्थली- दुई दशक देखि पत्रकारितामा क्रियाशिल रहनुभएका सुमित श्रेष्ठ ‘उत्कृष्ठ आदिवासी जनजाति पत्रकारिता बर्ष पुरस्कार २०७६’ बाट पुरस्कृत हुनुभएको छ । नेपाल आदिबासी जनजाति पत्रकार महासंघ (फोनिज) रामेछापले आफ्नो २० औँ स्थापना दिवसको अवसर पारेर श्रेष्ठलाई पुरस्कृत गरेको छ ।
पाँच हजार राशी रहेको उक्त पुस्कार सँगै श्रेष्ठलाई सम्मान पत्रले सम्मान समेत गरिएको छ । २०५६ सालबाट उत्कर्ष मासिकको सम्पादक भएर पत्रकारिता सुरु गर्नुभएका श्रेष्ठ अहिले साप्ताहिक पत्रिका, अनलाइन पोर्टल र टेलिभिजन पत्रकारितामा बढी सक्रिय हुनुहुन्छ । फोनिजले यस बर्षबाट सुरु गरेको ‘उत्कृष्ठ आदिवासी जनजाति पत्रकारिता बर्ष पुरस्कार’ बाट सम्मानित हुने श्रेष्ठ नै पहिलो जनजाति पत्रकार हुनुहुन्छ । फोनिजले उक्त पुरस्कार आगामी वर्ष देखि नियमित रुपमा एक उत्कृष्ठ जनजाति पत्रकारलाई दिने घोषणा समेत गरेको छ ।
फोनिज रामेछापका अध्यक्ष नवराज श्रेष्ठका अध्यक्षता तथा प्रदेश सांसद रिता माझीको प्रमुख आतिथ्यतामा सोमबार भएको कार्यक्रममा उहाँलाई पुरस्कृत गरिएको हो ।
यो बारेमा तपाईको प्रतिकृया