३२ साउन, २०७६
मन्थली- नेवारी समुदायको इतिहास बोकेको मुख्य पर्व हिले जात्रा रामेछापमा शुक्रबार देखि सुरु भएको छ । जनै पुर्णिमाको दिन तासा नाचबाट सुरु भई ९ दिन सम्म इतिहास बोकेका विभिन्न परम्परागत कलाको झलक सहित कृष्ण जन्माष्टमीको भोलिपल्ट कंसले कृष्णलाई बद गरि अन्त्य हुने हिले जात्रा पर्वमा देखाइने विभिन्न नाच पदर्शन गरेर सुरु गरिएको छ ।
मन्थली नगरपालिका वडा नं ८ चिसापानी र चिसापनी नेवा खलको अयोजनामा सदरमुकाम मन्थलीा ‘परम्परागत रितिरिवाज, कला र सस्कृति, संरक्षण सम्बद्र्धन र उन्नती’ भन्ने मुल नाराका साथ चिसापानीको परम्परागत कला र सस्कृतिहरुको प्रस्तुती अन्तर्गत पञ्चेबाजा, जैमुनी बालन, तासा नाच, देवी नाच, लाखे नाँच, हनुमान नाच, मारुनी नाँच, घोडा नाच, बिबाह, रोपाइ एबं ब्यङयात्मक प्रहसन जस्ता कार्यक्रमहरु प्रदर्शन गरि सुरु गरिएको हो ।
नेवारी समुदायको इतिहास बोकेको परम्परालाई चिसापानीका नेवार समुदायले अहिले सम्म कायम राखिरहेको र यस्ता संस्कृतिलाई प्रचार प्रसार र संरक्षण गराउने उद्धेश्यले मन्थलीमा कार्यक्रम गरिएको चिसापनी नेवा खलका अध्यक्ष बिश्व कुमार श्रेष्ठले बताउनुभयो ।
कार्यक्रममा बोल्दै तीन नं. प्रदेशका सांसद शान्ति प्रसाद पौडेल, रिता माझी, संबिधान सभा सदस्य तारानारायण श्रेष्ठ, मन्थली नगरापलिका वडा नं १ का अध्यक्ष नारायण दाश श्रेष्ठ, नेपाली काग्रेसका कोषाध्यक्ष कुमार श्रेष्ठ, नेपाल पत्रकार महासंघका अध्यक्ष रमेश ढुंगेल लगाएतले नेपालको इतिहास बोकेको परम्परा चिसापानीमा मात्रै भएकाले यस्ता किसिमका भाषा, धर्म र संस्कृतिलाई जोगाउन सरकाले सहयोग गर्नु पर्ने बताएका छन् । उनिहरुले नेपालको छुट्टै पहिचान बोकेको परम्परालाई पछिल्लो पुस्तामा हस्तान्तरण गर्दै जानका लागि प्रचार प्रसारमा सबै लाग्नु पर्ने धाराण राखेका छन् ।
रामेछापको चिसापानी, ठोसे र भंगेरीमा रहेका नेवार समुदायहरुले यस्ता कार्यक्रमहरु वार्षिक रुपमा गर्दै आएका छन् । शुक्रबार देखि सुरु भएको कार्यक्रम भदौ ७ गते सम्पन्न हुने छ ।
फोटोमा हेनुहोस
फोटोमा हेनुहोस
शुक्रबार सदरमुकाम मन्थलीमा देखाइएका हिले जात्रा पर्वका विभिन्न नाचहरुकाे तस्विर
यो बारेमा तपाईको प्रतिकृया