३ भदौ, २०७६
रामेछाप- रामेछापको खाँडादेवी गाउँपालिका वडा नं ४ पकरवासका दुई जना स्थानीयहरुले आफ्नो नाममा रहेको ३ रोपनी जग्गा स्वास्थ चौकिलाई निःशुल्क दिएका छन् । पकरवासको भिमसेन स्थान नजिकैको मन्थली गाल्वा सडकसँग जोडिएको जग्गा समाजसेवी मन भएका काशी नारायण मानन्धर दम्पतीले २ रोपनी र अर्का दिपक मानन्धरले १ रोपनी गरी ३ रोपनी जग्गा निःशुल्क प्रदान गरेको हुन ।
जग्गा छेउको सडकमा कालोपत्रेको काम तिव्र गतिमा अगाडी वढिरहेकोले हाल त्यहाँको जग्गाको किनवेच गर्दा राम्रो मुल्य आइरहेको भएपनि उनीहरुले वडामा रहेको स्वास्थ्य चौकीको लागि भने लाखौ मुल्य बराबरको जग्गा निःशुल्क दिएका छन् ।
स्थानिय चलन चल्तीको मुल्य अनुसार हाल उक्त जग्गा रोपनीको ८ लाख रुपैयाँमा खरिद विक्रि भैरहेका स्थानीय समाजसेवी खेम बहादुर पौडेलले बताउनुभयो । उहाँका अनुसार ३ रोपनी जग्गालाई करिब २४ लाख रुपैयाँ भन्दा बढी पर्छ ।
जग्गा दाता दुबैको परिवारलाई सहमति गराएपछि स्थानीयहरुको रोहवरमा जग्गा नक्शांकनको काम पनि सकिएको वडा न ४ का वडाध्यक्ष धन बहादुर मानन्धरले जानकारी दिनुभयो । उहाँका अनुसार वडाको मुकाम तथा वडा कार्यालय पनि त्यहि नजिकै र वडा भरिकै मुख्य केन्द्र पनि त्यहि भएकाले उक्त जग्गामा स्वास्थ्य चौकी बनाए पछि सबै वडाबासीलाई राहतको अनुभुति हुने विश्वास वडा कार्यालयले गरेको जानकारी पनि उहाँले गराउनुभयो ।
यो बारेमा तपाईको प्रतिकृया