मन्थली,८ कार्तिक । मन्थली नगरपालिकाको वडा नं –७ भटौली (ठेडिखोला)मा सम्पन्न पाँचौ वडा कप अन्तर्गत वडा स्तरीय पुरुष भलिवल प्रतियोगिताको को उपाधि भटौली टाइगरले जितेको छ ।
शनिवार सम्पन्न भटौली स्टार र भटौली टाइगर वीच भएको फाइनल खेलमा भटौली टाइगरले भटौली स्टार लाई २५–९,२५–१७,र २५ –२२ को सोझो सेटले पराजित गरेको हो ।
९ वटा समुह सहभागि भएको उक्त खेलमा मुगिटार युवा समाज समूह ‘ए’ ले तेस्रो स्थान हासिल गरेको थियो भने भटौली लायनले सान्त्वना पुरस्कार प्राप्त गरेको उक्त खेल प्रशिक्षक शुक्र बहादुर माझीले जानकारी दिनुभयो ।
‘स्वास्थ्यको लागि खेलकुद, राष्ट्रको लागि खेलकुद’ भन्ने मूल नाराका साथ सम्पन्न उक्त खेलमा प्रथम, द्धितिय, तृतिय हुने प्रतियोगीहरुलाई नगर प्रमुख एबं कार्यक्रमका प्रमुख अतिथि लव श्रेष्ठले क्रमशः ३०,२० र १० हजार सहित शिल्ड मेडल र प्रमाणपत्र वितरण गर्नुभएको थियो भने सान्त्वना हुने प्रतियोगीलाई रु ५ हजार नगद सहित प्रमाण पत्र प्रदान गरिएको थियो ।
यो बारेमा तपाईको प्रतिकृया