मन्थली- रामेछापको उमाकुण्ड गाउँपालिकामा गिरिजा प्रसाद कोइराला फाण्डेशन उमाकुण्डले शुभकामना आदानप्रदान तथा चियापान कार्यक्रमको अयोजना गरको छ । केही समय अघि गठन भएको फाउण्डेशनको भावि योजना तयार पार्ने एवं दशैको शुभकामना आदनप्रदान गर्ने उद्देश्यले चियापान कार्यक्रमको आयोजना गरिएको उमाकुण्ड गाउँपालिका फाउण्डेशनका अध्यक्ष पवित्रा कुमार सुनुवारले जानकारी दिनुभयो ।
स्व. गिरिजा प्रसाद कोइरालाले राजीनित मार्फत सभ्य समाज निर्माणमा दिएको योगदानको बारेमा चर्चा गर्दै गिरिजा प्रसाद कोइराला फाण्डेशन रामेछापका जिल्ला अध्यक्ष दीपक खड्काले स्व. कोइरालाले देखाएको बाटोलाई सबैले अंगलन सके सभ्य समाज निर्माणमा थप टेवा पुग्ने धारणा राख्नुभयो । विजया दशमीको शुभकामना दिँदै नेपाली काग्रेस रामेछापका नेता झपडराज भण्डारी, नेपाली काग्रेस उमाकुण्ड गाउँपालिकाकाका सभापति हिक्मत बहादुर सुनुवार लगायतले स्वा. कोइरालाको जीवनी र उहाँको योगदानको बारेमा चर्चा गरेका थिए ।
उमाकुण्ड गाउँपालिका गिरिजा प्रसाद कोइराला फाउण्डेशनका अध्यक्ष पवित्रा कुमार सुनुवारको अध्यक्षतामा प्रितिको च्यादलुमा भएको कार्यक्रममा गिरिजा प्रसाद कोइराला फाउण्डेशन प्रदेश सभा ‘क’ रामेछापका अध्यक्ष सुन्दर कुमार कार्की लगायतको सहभागिता रहेको थियो ।
यो बारेमा तपाईको प्रतिकृया