मन्थली,८ जेठ । नेपाली काँग्रेस केन्द्रीय समितिले करिब १ महिना अघिदेखि सुरुवात गरेको जरा अभियान –२०८३ सहितको कृयासिल सदस्य अध्यावधिक रामेछापमा भने आजबाट सुरु भएको छ ।
अभियान सुरु भएकै समयमा नेपाली काँग्रेस रामेछापका तत्कालिन सभापति पूर्ण बहादुर तामाङ,कान्छारामलाई केन्द्रीय समितिले निलम्बन गरेको र लामो समय पछि मात्र कार्यवाहक सभापतिको जिम्मेवारी नवराज थोकरलाई दिएकोले रामेछापमा केही समय यो अभियान सुरुगर्न ढिला भएको बताइएको छ ।
शुक्रबार रामेछापको मन्थलीमा आयोजना गरिएको जरा अभियान–२०८३ एबं क्रियाशिल सदस्यता अद्यावधिकका लागि विस्तारीत भेलाका अबसरमा प्रमुख बक्ताका रुपमा बोल्दै अभियानका केन्द्रीय प्रतिनिधि किरण गिरीले अब काँग्रेसले पुरानो ढर्राबाट काम गरेर अगाडि बढन नसक्ने महसुस गरी नयाँ प्रकृया तथा नयाँ ढंगबाट काम गर्न केन्द्र देखि जिल्ला हुँदै स्थानीय तह सम्म लागिपरेको बताउनुभयो । उहाले भन्नुभयो–२०५१ सालमा गुमाएको बहुमत २०५६ सालमा काँग्रेसले फिर्ता ल्याएको भएपनि २०६४ सालमा बहुमत गुमाएको र २०७० मा काग्रेसको नेतृत्वको सरकार बनेर २०७२ सालमा संबिधान जारी गरको हो । उहाँले काँग्रेस कहिले बहुमत त कहिले अल्पमत हुँदै अहिले २०८२ सालको निर्वाचनमा प्रमुख प्रतिपक्षि बनेको भएपनि कर्यकर्ताहरु निरास नभई अर्काे पटक बहुमत आउने गरी काम गर्नुपर्ने बताउनुभयो ।
सो अबसरमा बोल्दै कार्यवाहक सभापति नवराज थोकरले २१ दिनमा रामेछाप जिल्लाका ८ वटा पालिकाका ६४ वटै वडामा जरा अयिभान सम्पन्न गर्ने गरी जिल्लाको नेतृत्वमा भएको युवा पुस्ता लागिसकेको बताउनुभयो ।
उहाले भन्नुभयो – हामी पदाधिकारी र कार्यसमिति सदस्यहरु अधिकांस युवा छौ अहिले केन्द्रीय नेतृत्व पनि युवा पुस्तमा पुगेको छ त्यसैले यो पुस्ताले जुनसुकै अप्ठेरो काम पनि सम्मन्न गर्न सक्छ भन्ने सन्देश दिनुपर्ने भएकोले रामेछापबाट पनि निर्धारित समयमै कृयासिल सदस्यता अद्याबधिक गर्नका लागि जिल्ला कार्यसमितिको बैठक बाट प्रतिनिधि समेत खटाइसकिएको बताउनुभयो ।
कार्यक्रमका अवसरमा बोल्दै पूर्व पार्टि सभापतिलव श्री न्यौपानेले पहिला भएको कृयासिल सदस्यता घट्न दिनु नहुने बताउनुभयो भने अर्का पूर्व सभापति एबं प्रतिनिधिसभा निर्वाचन–२०८२ का उमेद्वार राचन्द्र खड्काले यस पटक धेरै कृयासिल सदस्यहरुलेनै काँग्रेसलाई मत नदिएकोले त्यस्ता कृयासिल सदस्यहरुको सदस्याता नविकरण नगरी असली काँग्रेसका कार्यकर्ताहरुको मात्र कृयासिल सदस्यता अद्याबधिक गर्नुपर्ने बताउनुभयो ।
उहाँले आफुले २०८२ को प्रनिनिधि सभा सदस्य निर्वाचनमा ल्याएको १६ हजार भन्दा बढि मत निष्ठावान काँग्रेसको मात्र भएको दावी गर्दै आफुलाई मत हाल्ने सबै मतदाताहरुलाई धन्यावाद ब्यक्त गर्नुभयो । काँग्रेस रामेछापमा थोकर कार्यबाहक अध्यक्ष भएपछिको यो पहिलो भेला हो ।
यो बारेमा तपाईको प्रतिकृया