रामेछाप- दुबै मृगौला फेल भई उपचाररत रहनुभएका रामेछापको लिखुतामाकोशी–४ रातमाटाका लोक वहादुर मगरलाई विदेशमा बस्ने नेपालीहरुले आर्थिक सहयोग गरेका छन् । कम आर्थिक अवस्था हुनुभएका मगरको मृगौला प्रत्यारोपणको लागि युके र जापानमा बस्ने नेपालीबाट चार लाख तीन हजार साठी रुपैयाँ उठाएर उहाँलाई हस्तान्तरण गरिएको हो ।
युकेमा बस्ने हरी बहादुर मगरको परिवार, राजकुमार मगर, अचुत दाहाल लगायत र जापान बस्ने आन्द मगर, गुनज मगर, पेसल मगर, चन्द्र मगरको संयुक्त पहलमा उक्त रकम जम्मा गरिएको हो । उक्त रकम मगरकै उपचारका लागि नेपालमा बसेर सहयोग जुटाईरहेका युवा नेता एवं समाजसेवी दिपक कुमार पुलामी मगर, युवा समाजसेवी सुवास दाहाल, त्रिविक्रम महत, रोहित कटुवाल लगाएतले एक कार्यक्रम गरि हस्तान्तरण गरिएको हिमाल महतले जानकारी दिनुभयो ।
मगरको मृगौला प्रत्यारोपणको लागि अझै पनि रकम नपुग्ने हुँदा थप रकम सहयोग लागि नेपाल तथा विदेशमा बस्ने नेपालीलाई उहाँको परिवारले अनुरोध समेत गरेको छ ।
यो बारेमा तपाईको प्रतिकृया