रामेछाप- उमाकुण्ड गाउँपालिकाको वडा नम्बर ३ कुँबुकास्थलीमा ७० वर्ष नाघेका जेष्ठ नागरिकलाई सम्मान गरिएको छ । विभिन्न कालखण्डमा सामाजिक सेवा तथा नेपाली काग्रेसलाई विशेष योगदान पुर्याउने २० जेष्ठ नागरिकलाई सम्मान गरिएको हो । सम्मानित हुनेहरुलाई दोसल्ला ओढाएर सम्मानपत्र सहित सम्मान गरिएको छ ।
मंगलबार विश्व अन्तर्रास्ट्रिय जेष्ठ नागरिक दिवसको अवसर पारेर नेपाल तरुण दल उमाकुण्ड गाँउपालिकाले आयोजना गरेको दशैँको शुभकामना तथा सम्मान कार्यक्रममा उनिहरुलाई सम्मान गरिएको नेपाल तरुण दल उमाकुण्ड गाँउपालिका अध्यक्ष शम्सेर कार्कीले जानकारी दिनुभयो । वडा अध्यक्ष रमेश कुमार सुनुवार, युवा नेता जित बहादुर कटुवाल, बाबुराम कटुवाल, काग्रेस वडा पार्टी उपसभापति तथा वडा सदस्य मोहन कटुवाल, वडा सदस्य योगराज सुनुवार, काग्रेस वडा पार्टी सचिव खेमराज सुनुवार लगायतको समन्वयमा कार्यक्रम भएको पनि अध्यक्ष कार्कीले जानकारी दिनुभयो ।
कार्यक्रममा विजया दशमीको उपलक्ष्यमा सहभागि सबैले शुभकामना आदान–प्रदान समेत गरेका छन् । कार्यक्रममा करिब एक सय पचास जना भन्दा बढी स्थानीयहरुको सहभागिता रहेको थियो ।
यो बारेमा तपाईको प्रतिकृया