रामेछाप- जिल्लाको पुरानो सदरमुकाम रामेछापमा अवस्थित गौरिशंकर पूर्व विद्यार्थी समाज रामेछापले विजया दशमी, शुभ दिपावली, नेपाल सम्वत तथा छठ पर्वको अवसर पारेर सदरमुकाम मन्थलीमा शुक्रवार शुभकामना आदानप्रदान कार्यक्रमको आयोजना गरेको छ । विद्यालयका पूर्व विद्यार्थीहरु बीच संगठित र पुर्नमिलन गर्दै अघि बढ्ने उदेश्यले गठन भएको समाजले गरेको चियापान कार्यक्रममा विभिन्न पेशा व्यवसायमा आवद्ध पूर्व विद्यार्थिहरुले सहभागिता जनाएका थिए ।
कार्यक्रमका सहभागिहरुले सबैले शुभकामना आदान–प्रदान गर्दै पूर्व विद्यार्थी समाजले गौरीशंकर माविको शैक्षिक तथा संस्थागत विकासमा खेलेको भूमिकाको प्रसंसा गरेका थिए । कार्यक्रममा बोल्दै सहभागीले समाजको विकासका लागि आफूहरु जस्तोसुकै सहयोग गर्न पनि तयार रहेको बताएका छन् । समाजका अध्यक्ष राजन प्रसाद घिमिरेले संस्थाको विगत देखि वर्तामान सम्मको अवस्थाका बारेमा छोटो रुपमा जानकारी गराउनुका साथै भावि कार्यक्रम बारेमा पनि जानकारी गराउनु भएको थियो । समाजले आगामि चैत्र महिना भित्र गौरिशंकर माविको हाताभित्र पूर्व विद्यार्थिहरु बीच पुर्नमिलन कार्यक्रम गराउन चाहेको र त्यसको तयारी शुरु भैसकेको पनि अध्यक्ष घिमिरेले जानकारी दिनुभयो ।
जिल्लाको पुरानो तथा ऐतिहासिक बिद्यालयको रुपमा पहिचान बनाएको गौरीशंकर माविले पछिल्लो समयमा शैक्षिक विकासको क्षेत्रमा आफूलाई निख्खर र परिष्कृत गराउँदै लगेको छ । कार्यक्रममा विद्यालय व्यवस्थापन समितिका अध्यक्ष, प्रधानाध्यापक, शिक्षक, प्रतिनिधि स्थानीय संचारमाध्यमका प्रतिनिधि लगाएतको पनि सहभागिता रहेको थियो ।
यो बारेमा तपाईको प्रतिकृया