स्व. जगदीश घिमिरेको सम्झना

मन्थली- साहित्य, समाजसेवा र राजीनितिलाई एकैसाथ जोडेर लाने रामेछाप जिल्लाका समग्र बिकासका अभियान्ता जगदीश घिमिरकेको स्वर्गारोण भएको ६ बर्ष पुरा भएको छ । जिल्लाका चौथो नक्षत्रका रुपमा चिनिने स्वर्गिय जगदीश घिमिरेको छंैठौ स्मृति सभाको अबसरमा उहाँका अनुयायीहरुले स्वर्गिय घिमिरेलाई विभिन्न तरिकाले सम्झेका छन् । वि.सं. २००२ सालमा रामेछापको मन्थलीमा जन्मिनुभएका घिमरेलाई रामेछापबासीले गंगालाल, पुष्पलाल र कृष्णलाल पछिका अर्का लालको रुपमा समेत लिने गरेका छन् । समाज सेवाबाटै विकास गर्न सकिन्छ भन्ने सोचका साथ समाज सेवमा होमिनु भएका घिमिरेको २०७० साल कार्तिक १४ गते मल्टिपल माइलोमा नामक क्यान्सरबाट निधन भएको थियो ।

घिमिरेको सम्झनामा घिमिरेले नै स्थापना गरेको गैरसरकारी संस्था तामाकोशी सेवा समितिले स्वा घिमिरेको फोटोमा माल्यार्पण, मौनधारण, प्रबचन र कबिता बाचन कार्यक्रमको आयोजना गरी उहाँको बारेमा चर्चा गरेको थियो । स्वा. घिमिरेले देखाएको बाटो सबैजना हिड्न सक्यो भने मात्र दिबस मनाउनुको सार्थकता हुने कार्यक्रममा बोल्ने बक्तहरुले बताएका छन् । कार्यक्रममा नेकपाका जिल्ला नेता आनन्द श्रेष्ठ, नेपाली काँग्रेसका सचिब लेख बहादुर कार्की, राप्रपाका रामचन्द्र शर्मा कडेल, नेपाल पत्रकार महासंघ रामेछापका अध्यक्ष रमेश ढुङ्गेल, वरिष्ठ पत्रकार टिका भट्ट, डा. सुमन कर्मचार्य, पत्रकार अप्रिल अधिकारी, लगायतका सर्जकहरुले घिमिरेको योगदानको बारेमा चर्चा गरेका थिए ।

तामाकोशी सेवा समितिका अध्यक्ष गुञ्ज बहादुर श्रेष्ठको अध्यक्षतामा भएको कार्यक्रममा स्थानीयको उपस्थिति रहेको थियो ।