रामेछाप- विश्व स्वतन्त्रता दिवस रामेछापमा पनि मनाईएको छ । जनसाहारा मिडिया प्रालिको आयोजनामा जिल्लाको दुई नगरपालिकामा विभिन्न क्षेत्रमा स्वतन्त्रताको अवस्था विषयक अन्तरक्रिया गरी मनाईएको हो । पत्रकार सुमित श्रेष्ठले वर्तमान समयमा स्वतन्त्रताको अवस्थाको बारेमा कार्यपत्र प्रस्तुत गर्नुभएको थियो । कार्यपत्र माथी नेपाली काग्रेका कोषाध्यक्ष कुमार श्रेष्ठ, राप्रपा नेपालका अध्यक्ष रामचन्द्र कडेल, पत्रकार महासंघ तीन नम्बर प्रदेशका सदस्य बद्री नयाँघरे, पत्रकार महासंघ रामेछापका उपाध्यक्ष कैलाश खत्री लगायतले कार्यपत्रमाथी टिप्पणी गरेका थिए ।
अन्तरक्रिया कार्यक्रममा बोल्दै मन्थली नगरपालिकाका नगर प्रमुख रमेश कुमार बस्नेतले लामो समयको संघर्ष पछि संविधान आएको र संविधानमा उल्लेख भएका स्वतन्त्रताका कुरालाई व्यवहारमा लागु गर्न सके मानव जीवनमा स्वतन्त्रता आफै कार्यन्वयन हुँदै जाने बताउनुभयो । नगर प्रमुख बस्नेतले स्वतन्त्रताको अधिकार प्रयोग गर्दा कसैलाई पनि असर नपुग्ने गरी गर्नु पर्नेमा जोड दिनुभयो । कार्यक्रममा राजनीतिक दलका नेता, पत्रकार, सामाजिक अभियान्त, नागरिक समाज लगायतको सहभागिता रहेको थियो ।
यो बारेमा तपाईको प्रतिकृया