रामेछाप- जिल्लाको दोरम्बा गाउँपालिकाका महिलाहरु बैदेशिक रोजगारीमा गएर आफन्तले पठाएको पैसालाई कसरी उत्पादनमूलक क्षत्रमा लगानी गर्न सकिन्छ भन्ने विषयमा छलफलमा जुटेका छन् । बैदेशिक रोजगारीबाट भित्रिएको रकम अन्य क्षत्रमा बढी खर्च हुने गरेको तथ्यांकहरु सार्वजनिक भइरहेकाले विभिन्न मुलुकमा गएर कमाएको रकमलाई उत्पादनमूलक क्षत्रमा लगाएर भविष्यलाई समेत फाइदा पुग्ने गरी आफन्तले पठाएको रकमलाई सही सदुपयोग गराउने उद्देश्यले छलफल चलाईएको हो ।
आफन्तले विदेशबाट पठाएको रकमलाई वित्तिय साक्षरता कक्षा मार्फत उत्पादन मुलक क्षेत्रमा लगानी र बैदेशिक रोजगारीका कारण परिवारमा देखिएको मनोसामाजिक समस्यालाई न्यूनिकरणका विषयमा छलफल चलाईएको मनोपरामर्शकर्ता नोर्वु योञ्जनले जानकारी दिनुभयो ।
दोरम्बा गाउँपालिकामा सुरक्षित आप्रबासन परियोजना नेपाल सरकार र स्वीस सरकार बिच द्विपक्षिय सम्झौतामा श्रम, रोजगार तथा सामाजिक सुरक्षा मन्त्रालय, हेल्भेटास नेपालको प्राबिधिक सहयोगमा र दोरम्बा गाउँपालिकाको नेतृत्वमा संचालित (सामी) रोजगार प्रबर्द्धन कार्यक्रम संचालन रहेको छ । उक्त कार्यक्रम अन्तरगत पालिकाको वडा नम्बर ४ को गौश्वारामा रहेको मगर बस्तीलाई लक्षित कार्यक्रम गरिएको हो ।
यो बारेमा तपाईको प्रतिकृया