दोरम्बा– रामेछापको दोरम्बा गाउँपालिकामा गिरिजा प्रसाद कोइराला फण्डेशनको कार्यसमिति गठन भएको छ । दोरम्बा ३ का निल बहादुर मगरको अध्यक्षतामा १३ सदसिय कार्यसमिति गठन भएको हो ।
आइतबार गठन भएको कार्यसमितिको उपाध्यक्षमा वीर बहादुर श्रेष्ठ, सचिबमा कमल श्रेष्ठ, सहसचिबमा मेनुका रसाईली र कोषाध्यक्षमा ज्ञान बहादुर विसुन्के चयन भएका छन् । त्यस्तै सदस्यहरुमा क्रमशः मिलन घिसिङ, तुलाराम श्रेष्ठ (नरेश), एग थापामगर, प्रेम बहादुर थापामगर, बद्री नारायण श्रेष्ठ, टंक घिसिङ, अनिल योञ्जन र धन माया तामाङ रहेका छन् ।
दोरम्बा गाउँपालिका नेपाली काँग्रेसका पार्टी सभापति लब बहादुर मगरको सभापतित्व, गिरिजा प्रसाद कोइराला फाउण्डेशन रामेछापका अध्यक्ष दीपक खड्काको प्रमुख आतिथ्यता तथा फाउण्डेशनको जिल्ला कार्यसम्पादन समिति सदस्य खमला थापा मगर आतिथ्यतामा कार्यक्रम सम्पन्न भएको हो ।
कार्यक्रममा बोल्दै गिरिजा प्रसाद कोइराला फाउण्डेशन रामेछापका अध्यक्ष दीपक खड्काले एक कुशल राजनीति गर्ने ब्यक्तिको नामबाट खोलिएको संस्थाले कुशल संस्कारको विकास सँगै सामाजिक विकासमा काम गरिरहेको बताउनुभयो । जिल्लाको सबै स्थानीय तहमा संस्थाको समिति गठन पश्चात समाज विकासका केही नयाँ काम गरिने पनि अध्यक्ष खड्काले बताउनुभयो ।
कार्यक्रममा दोरम्बा नेपाली काँग्रेसका सभापति लब बहादुर मगर र फाउण्डेशनका जिल्ला कार्यसम्पादन समितिका सदस्य खमला थापामगरले नयाँ निर्वाचित कार्यसमितिलाई बधाई दिँदै आगामी दिनमा संस्थाको विधान भित्र रहेर सामाजिक क्षेत्रमा काम गर्न आग्रह गरेका छन् ।
यो बारेमा तपाईको प्रतिकृया