रामेछाप- गिरिजा प्रसाद कोइराला फाउण्डेशन रामेछाप दुई प्रदेशसभाका समितिले पूर्णता पाएको छ । विहिबार बसेको फाउण्डेशनको जिल्ला कार्यसमितिको बैठकले यस अघि मनोनित गरिएका दुबै क्षेत्रका अध्यक्षले सिफरिस गरेका पदाधिकारी र सदस्यलाई अनुमोदन गरे पछि समितिले पूर्णता पाएको हो ।
रामेछाप प्रदेश सभा ‘क’ मा सुन्दर कुमार कार्कीको अध्यक्षतामा ११ सदसिय समिति गठन भएको छ । पदाधिकारीको उपाध्यक्षमा क्रमशः भरत बहादुर खड्का र रामहरी कार्की रहेका छन् । त्यस्तै सचिबमा दिनेश कुमार कार्की, सह–सचिवमा वीर बहादुर कार्की र कोषाध्यक्षमा सुशिला बुढाथोकी चयन भएका छन् । त्यस्तै सदस्यहरुमा क्रमशः हरिशचन्द्र श्रेष्ठ, कमल प्रकाश सुनुवार, नुर बहादुर खत्री (विनोद), मेनुका महत र रिता थापा बुढाथोकी रहेका छन् ।
त्यसैगरी प्रदेशसभा ‘ख’ मा भक्तीलाल तामाङको अध्यक्षतामा ११ सदसिय कार्यसमिति गठन भएको छ । भक्तीलाल तामाङको अध्यक्षतामा गठन भएको समितिको पदाधिकारीमा उपाध्यक्ष विन्देश्वर मोक्तान, सचिब घम्बा तामाङ (मिलन), सह–सचिव दिल बहादुर तामाङ र कोषाध्यक्ष ओम प्रकाश पुरी रहेका छन् । समितिको सदस्यहरुमा क्रमशः कविता थापा, टसी लामा, अर्जुन भुजेल, नारायाण भण्डारी, बारुली थामी र साबित्रा कोइराला (सार्की) चयन भएका छन् ।
रामेछाप प्रदेशसभा ‘क’ का अध्यक्ष सुन्दर कुमार कार्की र प्रदेशसभा ‘ख’ का अध्यक्ष भक्तीलाल तामाङले जिल्ल अध्यक्षले आफूहरुलाई दिइएको अधिकारलाई प्रयोग गर्दै जिल्ला समितिको समेत समन्वयमा समिति बनाएको बताएका छन् । कार्यसमिति विस्तारसँगै समितिले चाँडै सामाजिक परिवर्तनका लागि विभिन्न कामहरु गरिने अध्यक्ष द्वोयले प्रतिबद्धता व्यक्त गरेका छन् ।
गिरिजा प्रसाद कोइराला फाउण्डेशन रामेछापका जिल्ला अध्यक्ष दीपक खड्काको अध्यक्षतामा बसेको बैठकले अहिले विश्वभरीनै महामारीको रुपमा फैलिइरहेको कोरोना विरुद्ध फाउण्डेशनले चेतनामूलक पर्चा बनाएर बितरण गर्ने लगायतका विभिन्न निर्णय गरेको छ । फाउण्डेशनले समाजमा विभिन्न जनचेतना जगाउने कार्यहरु गर्दै आएकाले यस वर्षको बाल दिवसमा बालश्रम शोषण विरुद्ध विभिन्न पर्चा वितरण गर्नुका साथै चेतनामूलक कार्यक्रम गरिने निर्णय समेत गरिएको अध्यक्ष खड्काले बताउनुभयो ।
यो बारेमा तपाईको प्रतिकृया