रामेछाप- बिश्वब्यापी रुपमा फैलिरहेको कोरोना भाइरस (कोभिड –१९) बाट उत्पन्न बर्तमान जटिल परिस्थितिमा मानव अधिकारको अबस्था अनुगमन गर्न रामेछाप जिल्लामा पनि मानव अधिकार अबस्था अनुगमन समिति गठन भएको छ ।
राष्ट्रिय मावन अधिकार अयोगको ७७ वटै जिल्लामा यस प्रकारको समिति गठन गर्ने अभियान अन्तर्गत नेपाल पत्रकार महासंघ, गैर सरकारी संस्था महासंघ रामेछाप वार इकाइ र २ जना अधिकारकर्मी सहितको समिति रामेछापमा पनि गठन गरिएको जनाइएको छ ।
पत्रकार महासंघ रामेछापका अध्यक्ष रमेश ढुंगेलको संयोजकत्वमा गठन भएको उक्त समितिका सदस्यहरु क्रमशः भुवनकुमार श्रेष्ठ, यादव दाहाल, पाण्डव प्रसाद प्रसाई र नवराज पथिक रहनुभएको छ ।
उक्त संस्थाहरु बिच यस अघिन नै बसेको बैठकले ३ सदस्यीय समिति गठन गरेपनि सोमबार समितिका संयोजक रमेश ढुंगेलको अध्यक्षतामा बसेको बैठकले राष्ट्रिय मानव अधिकार आयोग कोभिड–१९ को सन्दर्भमा मानव अधिकार अबस्था अनुगमन नेटवर्कको कार्यबिधि अनुसार समितिलाई पुर्णता दिई ५ सदस्यीय समिति बनाएको हो ।
समितिले जिल्लामा कोभिड १९ को संक्रमणबाट बच्ने उपायबारे जनचेतना को अबस्था, हरेक प्रकारका बिरामीहरुको स्वास्थ्य अधिकारको अबस्था, खाद्य सम्बन्धी अधिकारको अबस्था, आवास सम्बन्धी अधिकारको अबस्था, राहत बितरणको अबस्था, सामाजिक सुरक्षाको अबस्था, अपांङ्गता भएका ब्यक्ति ज्येष्ठ नागरिकहरुको अबस्था, हिरासत कारागार तथा न्याय प्रशासन सम्बन्धी अबस्था, आप्रवासी कामदार, शरणार्थी र बिदेशी नागरिकको अबस्था, मानव अधिकार रक्षक र पत्रकारहरुको अबस्था, क्वारेन्टाइन, आइसोलेशन, र सुरक्षा सामाग्रीको अबस्था, प्रयोगशाला परिक्षणको अबस्थाका बरेमा कार्ययोजना बनाई जिल्लास्तरमा अनुगमन गर्ने समितिका संयोजक रमेश ढुंगेलले जानकारी दिनुभयो ।
यो बारेमा तपाईको प्रतिकृया