मन्थली– रामेछाप जेसीजद्धारा जिल्लाका बिभिन्न स्वास्थ्य संस्थाहरुलाई स्वास्थ्य सुरक्षा सामाग्री हस्तान्तरण गरेको छ । जेसीज रामेछापले जिल्लामा रहेका ४ वटा स्वास्थ्य संस्थाहरुलाई बिहिबार सामाग्रीहरु हस्तान्तरण गरेको हो ।जेसीज रामेछापले जिल्लाका लागि ल्याएको ५ थान थर्मल गन, २ थान पिपिइ, N95 माक्स ५० ओटा र २५० ओटा सर्जिकल माक्स मध्ये तामाकोशी अस्पताल लाई पिपिइ २ सेट, थर्मल गन २ थान, N95 माक्स २५ ओटा र सर्जिकल माक्स ५० ओटा दिएको छ । त्यसैगरी मन्थली पोलिक्लीनिक तथा डाइनोसिस सेन्टरलाई, थर्मल गन १ थान, N95 माक्स ५ ओटा र सर्जिकल माक्स ५० ओटा दिएको छ । त्यस्तै रामेछाप सामुदायिक अस्पताललाई थर्मल गन १ थान, माक्स N95( १० ओटा, सर्जिकल माक्स ५० ओटा र प्रथमिक स्वस्थ्य केन्द्र मन्थलीलाई थर्मल गन १ थान, माक्स N95 १० ओटा र सर्जिकल माक्स ५० ओटा उपलब्ध गराइएको जेसीज रामेछापकी उपाध्यक्ष ज्ञानु श्रेष्ठले बताउनुभयो ।
स्वास्थ्य संस्थाहरुमा सेसीज रामेछापका संस्थापक अध्यक्ष जनक लामा, कार्यक्रम संयोजक ज्ञानु श्रेष्ठ, उपाध्यक्ष बिमल पौडेल कोषाध्यक्ष सन्तोष खत्रीले छुट्टा छुट्टै हस्तान्तरण गर्नु भएको हो ।
स्वास्थ्य सामाग्री लिँदै स्वास्थ्य संस्थाका प्रमुखहरुले उपलब्ध सामाग्रीहरु सरकारले उपलब्ध गरानउ नसकेको बेला संस्थाले ल्याएर दिँदा आफूहरुलाई व्यक्तिगत स्वास्थ्य सुरक्षामा सहयोग पुग्नुको साथै कोरोना भाइरस नियन्त्रणमा समेत सहयोग पुगेको बताएका छन् ।
यो बारेमा तपाईको प्रतिकृया