रामेछाप– कोरोना भाइरसका कारण देश लकडाउनमा रहेको समयमा जुनसुकै बेलापनि रगत अभाव हुन सक्ने भन्दै नेपाल जेसिज रामेछापले रक्तदान कार्यक्रमको आयोजना गरेको छ । नेपाल रेडक्रस सोसाईटी रामेछापको प्राविधिक सहयोगमा जिल्लाको लिखुतामाकोशी गाउँपालिका वडा नं ६ खिम्तीमा शनिबार रक्तदान कार्यक्रम गरिएको हो ।
रगत अभावका कारण विरामीले ज्यान गुमाउन नपरोस भनेर रामेछाप जेसिजले आयोजना गरेको रक्तदान कार्यक्रममा २७ जना स्थानीय लगायतले रक्तदान गरेको जेसिज रामेछापका कार्यकारीणी उपाध्यक्ष जीवन कार्कीले बताउनुभयो ।
रक्तदान कार्यक्रम जेसिज वर्ष २०२० का उपाध्यक्षद्वोय ज्ञानु श्रेष्ठ, बिमल पौडेल, सचिव प्रज्वल बुढाथोकी, कोषाध्यक्ष सन्तोष केसी, सदस्यहरु संगिता श्रेष्ठ, नारायण थापा, बिपिन दाहाल, राजन कार्की र धिरज खत्री लगायतको सहयोगमा सम्पन्न भएको थियो ।
रामेछाप र छिमेकी जिल्लाहरुमा रगत अभाव हुन नदिनको लागि नेपाल रेडक्रस सोसाईटी रामेछापले आफ्नै पहल तथा विभिन्न संघसंस्थाको सहयोगमा विभिन्न समयमा रक्तदान कार्यक्रमको आयोजना गर्दै आएको रेडक्रस सोसाईटी रामेछापका मन्त्री जयप्रकाश श्रेष्ठले बताउनुभयो ।
रक्तदान जस्तो महान कार्यमा सहयोग गर्ने सबै नेपाल रेडक्रस सोसाइटी रामेछाप र रक्तदान गर्ने सबैलाई धन्यबाद दिँदै कार्यकारीणी उपाध्यक्ष कार्कीले आगामी दिनमा समेत यस्तो महान कार्यमा सहयोग गर्न सबैलाई अनुरोध समेत गर्नुभएको छ ।
यो बारेमा तपाईको प्रतिकृया