रामेछाप–हिन्दु धर्मावलम्बिहरुको विशेष गरी जनै लगाउने पर्वका रुपमा रहेको जनै पुर्णिमा तथा रक्षा बन्धन कार्यक्रम सोमबार रामेछाप जिल्लामा विभिन्न कार्यक्रमका साथ मनाईएको छ ।
परापूर्व कालदेखि विशेष चार्डको रुपमा मनाईदै आएको रक्षा बन्धनका अवसरमा हिन्दु तागाधारी (जनैलाउने)हरुले नदि तलाउ र आफ्ना परंपरागत पंधेरामा गएर सामुहिक रुपमा स्नान गरी र मन्दिरमा पुजा आजा गरेर मनाएका हुन् ।
बिषेश गरी ब्राहमण र क्षेत्री समुदायका लागि महत्वपुर्ण मानिने यो चार्डको दिन विहान शास्त्रिय विधि अनुसार गाईको गोबर,खरानी ,तुलसीको मुठको माटो , अपमार्ग, कुस, जौ,तील समेत लेपन गरि स्नान गर्ने गरिन्छ । सो अबसरमा तागाधारी हरुले आफना घर र नजिकको शिवजीको मन्दिरमा गुरु पुरोहितको हातबाट रुद्राभिषेक र पुजा आजा गरि मन्त्रणा गरेको धागोको जनै लगाउने र रक्षा बन्धन बाध्ने गरिन्छ ।
जिल्लाका सबै पालिकाका बिभिन्न ठाउँमा बसोवास गदै आएका तागाधारी हरुले रक्षा बन्धनको अघिल्लो दिन केश मुण्डन गरी एक भक्ती भई चोखो खाने चलन रहेको छ ।
उनीहरुले रक्षा बन्धनको दिन विहानको पुजा आरधाना गरेर मात्र रक्षा बन्धन र जनै लागउने प्रचलन रहेको छ । पुजाआजा र रक्षा बन्धनपछि घरका सबै परिवारका सदस्यहरु मिठा मिठा परिकार सहित विभिन्न गेडा गुडि मिसाएर टुसा उमारिएको (झोलिलो तरकारी)क्वाँटि खाइ रमाउने चलन रहेको छ ।
त्यैसैगरी ब्रम्ह्कुमारी राजयोग सेवा केन्द्र मन्थली र रामेछापले पनि आफ्नो सेवा केन्द्रमा नियमित रुपमा आउने आफ्ना भक्तजनहरुलाई राखी बाँधी प्रसाद ग्रहण गराएर रक्षा बन्धन पर्व मनाएका छन् । विगत बर्षहरुमा औपचारिक कार्यक्रम सहित राखी बाध्ने काम गर्ने गरिएको भएपनि यसबर्ष भने औपचारिक कार्यक्रम नगरेको संस्थाले जनाएको छ ।
यो बारेमा तपाईको प्रतिकृया