रामेछाप–मन्थली नगरपालिकाको वडा नं–२ स्थित कैलाश डाँडामा नवनिर्मित वडा कार्यालय भवनको शुक्रवार एक समारोहका बिच उद्घाटन गरिएको छ ।
वडा नं–२ का कार्यवाहक अध्यक्ष जनक खत्रीको अध्यक्षतामा सम्पन्न उक्त कार्यक्रमका अबसरमा कार्यक्रमका प्रमुख अतिथि रमेश कुमार बस्नेतले रिवन काटेर र साइनबोर्डको अनावरण गरेर उद्घाटन गर्नु भएको हो ।
सो अबसरमा उद्घाटन मन्तब्य राख्दै नगर प्रमुख बस्नेतले यो वडा कार्यालय लाई यहा बनाउन नदिन ठुलै शक्ति लागेको भएपनि आफु त्यसको मुकाबिला गर्दै वडा कार्यालय बनाएरै छाडेको बताउनु भयो । उहाले आफ्नै पार्टिका मुर्धन्य नेताका रुपमा चिनिनेहरुनै वडा कार्यालय यहाँ बनाउनु हुदैन भनेर छेक्ने प्रयास गरेको गुनासो गर्नुभयो । उहाले कोभिड–१९ को महामारी र २०७२ सालको भुकम्पले गाउमै आयआर्जन गरेर बस्न पाठ सिकाएको भन्दै अब गाउकै शिक्षा स्वास्थ्य र खानेपानी को समस्यामा सुधार हुने हुदाँ खाडि मुलुमा नगई आफ्नै गाउमा उद्यम गरेर बस्न युवाहरुलाई आग्रह गर्नुभयो ।
नगरपालिकाका उपसचिब हेमन्त बुढाथोकीले मन्थली नगरपालिकाका सबै वडाहरु यसैगरी निर्माण हुने चरणमा रहेपनि यो वडाको भवन भने पालिकाकै पहिलो निर्माण सम्पन्न भवनका रुपमा आएको बताउनुभयो ।
उहाले यसरी सुबिधा सम्पन्न वडा कार्यालय भवन बनेपछि अब नागरिकहरुलाई सर्बसुलभ ढंगबाट सेवा प्रवाहका लागि सहज हुने बताउनु भयो ।
कार्यक्रममा उपस्थित सबैलाई स्वागत गर्ने क्रममा महिला वडा सदस्य प्रमिला सुवेदीले वडा कार्यलय भवन निर्माणका लागि धेरै चुनौतिहरु सामना गर्नुपरेको स्मरण गराउदै अब २ नं वडाका नागरिकलाई आइतवार देखि नवनिर्मित भवनबाटै सेवा प्रवाह हुने बताउनुभयो ।
भवन निर्माणका लागि नगरपालिकाबाट आर्थिक बर्ष २०७५÷७६ मा १ करोड ७२ लाख ५० हजार ५ सय ४९ रुपैया बिनियोजन भएको भएपनि लाल सुबा मेन्द्रो निर्माण सेवा प्रालिले आगामी मंसिर ७ गते निर्माण कार्य सम्पन्न गर्ने गरी रु २०७६ मंसिर ४ गते १ करोड ६ लाख ७६ हजार ६ सय ८ रुपैयामा ठेक्का सम्झौता गरी निर्माण कार्य सक्ने अबधि भन्दा ४ महिना अगाबै निर्माण कार्य सम्पन्न गरेर अघिल्लो आबमा भुक्तानी समेत लिइसकेको कार्यक्रम सञ्चालक ज्ञानेन्द्र काफ्लेले जानकारी गराउनुभयो ।
उहाले ३ रोपनी ४ आना क्षेत्रफल मा वनेको नवनिर्मित २ तले भवनमा ८ वटा कोठा, एउटा अन्डर ग्राउण्ड र छतमा २ वटा स्टील टंयाकी अपांङ्ग मैत्री १ सहित ५ वटा शौचालय रहेको पनि जानकारी गराउनु भयो ।
जग्गा दातालाई सम्मान
त्यसैगरी सोहि अवसर पारेर सो स्थानमा वडा कार्यलय भवन निर्माणका लागि निःशुल्क जग्गा दान गर्ने बलबहादुर कार्की,दिपक कुमार क्षेत्री र शंकर थापालाई वडा कार्यालयले सम्मान गरेको छ । कार्यक्रमका प्रमुख अतिथि रमेश कुमार बस्नेतले प्रंससा–पत्र सहित दोसल्ला ओढाएर सम्मान गर्नु भएको थियो । उहाहरू ३ जना मिलेर वडा कार्यालयलाई ३ रोपनी ४ आना जग्गा निःशुल्क दान गर्नुभएको थियो ।
यो बारेमा तपाईको प्रतिकृया