रामेछापमा तपाईको माक्स खै

रामेछाप–जिल्ला प्रशासन कार्यालय रामेछापले मंगलवार रामेछाप नगरपालिकाको रामेछाप बजारमा तपाइको माक्स खै ? कार्यक्रम सम्पन्न गरेको छ ।

कोरोना भाइरस(कोभिड –१९)को महामारीका कारण संक्रमितहरु दिनानुदिन बढ्दै गइरहेको बर्तमान सन्दर्भमा प्रशासनले यस महामारी बाट बच्ने उपायका लागि सचेतनामुलक रयाली प्रदर्शन, अडियो रेकर्ड प्रशारण र निःशुल्क माक्स बितरण अभियानलाई तिब्रता दिएको छ ।

जिल्लाको पुरानो सदरमुकाम रामेछाप बजारको कारागार   परिसरबाट सुरु भएको बिभिन्न प्लेकार्ड सहितको रयाली पुरै बजार परिक्रमा गरी जिल्ला अस्पतालको परिसरमा पुगेर समापन भएको थियो ।

सो असरमा बोल्दै जिल्ला समन्वय समिति रामेछापका प्रमुख प्रेम बहादुर खड्काले यो महामारीमा सबैजना सचेत हुनुपर्ने र जनस्वास्थ्यका मापदण्डहरु अपनाउनुपर्ने बताउनु भयो ।

त्यसैगरी  रामेछाप नगरपालिकाका प्रमुख नर बहादुर थापामगरले सचेतना मुलकक कार्यक्रम आफ्नो नगरपालिकामा  ल्याई नगरवासीहरुमा चेतना जगइदिएको प्रति आयोजक लाई धन्यवाद दिदै यसले नगरवासीमा सकरात्मक सन्देश जाने बताउनु भयो । उहाले कोभिड १९ को महामारीबाट आफु बच्न र अरुलाई बचाउन सबै एक भएर लाग्नुपर्ने कुरालाई जोड दिनुभयो  ।

सो अबसरमा बोल्दै प्रमुख जिल्ला अधिकारी रुद्रा देवी शर्माले यो महामारी बाट बच्नका लागि सबैले जनस्वास्थयका मापदण्डहरुलाई पालना गरि माक्स लगाउने, घर बाट बाहिन ननिस्कने तथा भिडभाडमा नजाने र साबुन पानीले हात धोएर सेनिटाइजर लगाउने जस्ता कृयाकलापहरु गर्न सके  यस महामारीबाट बच्न सकिने बताउनु भयो ।

उहाले रामेछापको बिहिबारे हाट लगाएतका रामेछाप नगरपालिकामा हुने सबै खाले भिडभाड बन्द गर्न अनुरोध गर्नुभयो ।

मन्थली बजारमा माक्स नलगाइ हिड्ने  ४ सय भन्दा बढि सर्बसाधारण र सवारी चालक हरुलाई एक सय रुपैयाका दरले जरिवाना गरिसकेकोले रामेछाप नगरवासीहरु त्यस्तो जरिवानामा नपर्न अनुरोध गर्नुभयो ।

कार्यक्रमका अबसरमा रामेछाप बजारमा माक्स नलाई आ–आफ्नो ब्यापार ब्यवसाय गरेर बस्ने ब्यवसायिहरु, सर्बसाधारण एबं बालवालिका तथा जेष्ठनागरिकहरुलाइ निःशुल्क माक्स बितरण गरिएको थियो ।