रामेछाप–रामेछाप जिल्लाको मन्थली नगरपालिका वडा नं १ स्थायी ठेगाना भएका २ जना पुरुषाई कोरोना संक्रमण को पुष्टि भएपछि नगरपालिकाको कार्यालय र आसपासका बजार क्षेत्रहरु सिल गर्ने तयारी गरिएको छ ।
सोमबार प्राथामिक स्वास्थ्य केन्द्र मन्थलीमा स्वाब परिक्षणका लागि पठाएका १२९ जना मध्ये बिहिबार प्राप्त ८१ जनाको प्राप्त प्रतिबेदन अनुसार मन्थली नगरपालिकाका ३० बर्षिय पुरुष वडा नं १ का ५० बर्षिय पुरुष को रिपोर्ट पोजेटिभ आएपछि जिल्ला प्रसाशन कार्यालय रामेछापले उक्त क्षेत्र शिल गर्न लागेको हो ।
उनीहरु मध्ये ३० बर्षिय पुरुष बिदेश बाट आएर सेलेघाटको क्वारेन्टाइनमा बसेका ब्यक्ति र ५० बर्षिय भने स्वास्थ्य कर्मी भएको प्राथमिक स्वास्थ्य केन्द्रका डा.आनन्द आचार्यले बताउनुभयो । यी दुई सहित जिल्लामा सक्रमितको संख्या ३३ पुगको छ ।
अहिले मन्थली नगरपालिकाको कार्यलय सहित कुन कुन क्षेत्र शिल गर्ने भन्ने बारेमा जिल्ला प्रशासन कार्यालय रामेछापमा जिल्ला संकट ब्यवस्थान केन्द्र को बैठक बसिरहेको छ । नगरपालिकाले शुक्रबार बोलाएको कार्यपालिकाको बैठक समेत स्थगित गर्ने भएको छ ।
यो बारेमा तपाईको प्रतिकृया