रामेछाप–चार दिन अघि मन्थली नगरपालिकाका स्वास्थ्य शाखाका कर्मचारी सहित दुईजनामा कोरोना संक्रमण पुष्टि भएपछि मन्थली बजार र सिङ्गो रामेछाप यतिबेला अक्रान्त छ ।
कोरोनाको संक्रमणसंगै मन्थली बजार र आसपासको वस्तीमापनि एक किसिमको त्रास बढेको छ । बढ्दो त्रास संगै जिल्ला प्रशासन कार्यालयले पनि सर्वसाधारणको सुरक्षामा ध्यान दिंदै आगामी भदौ ११ गते सम्मका लागि जिल्लाभर लकडाउनको घोषणा गरेको छ । प्रशासनले मन्थली बजार र जिल्ला भरीका सबै बजार क्षेत्रलाई सरकारी मापदण्ड भित्र रहेर विहान ५ बजे देखि १० बजे सम्म मात्र खोल्न पाउने र आकस्मिक क्षेत्र बाहेकका सबै यातायातका साधन संंचालनमा रोक लगाएको छ । तर बजार र आसपासको क्षेत्रका सर्वसाधारणमा भने प्रशासनले देखाएको तदारुकताको तुलनमा सर्वसाधारणको सर्तकता निकै कम छ ।
प्रहरीको कडाईका बावजुद प्रायजसो बिहान र दिउँसो पनि अनाबश्यक रुपमा बजारमा डुल्ने र होटलमा बसेर चिया गफ गर्ने सर्वसाधारण हरुको संख्या उत्तिकै छ । यसरी सरकारी सूचनाको बेवास्ता गर्नेहरुमा सर्वसाधारणको तुलनामा समाजका जिम्मेवारवर्गहरु,जनप्रतिनिधि,कर्मचारी र समाजका अगुवाहरुनै बढि रहेका छन् ।
मन्थली नगरपालिकाकै कर्मचारीमा संक्रमण देखिएसँगै विशेषगरी सदरमुकाम मन्थली अक्रान्तछ । सर्वसाधारणमा पनि यसको त्रासले निकै तनाब दिएको छ । यसरी प्रशासनको गम्भिरताको तुलनामा नागरिकताको गाम्भिर्यतामा भने निकै कमि आएको अनुभब आफुले गरेको नेपाल पत्रकार महासंघका पूर्ब अध्यक्ष समेत रहनुभएका नागरिक अगुवा हिमाल ढुंगेलले बताउनुभयो । उहाँले भन्नुभयो– “नागरिकको स्वास्थ्य र जीवन सँग जोडिएको सवालमा समाजको जिम्मेवार बर्गनै गम्भिर नहुनु दुखद कुरा हो । विहान बजारमा मानिसहरुको ओहोर दोहोर र जमघट देख्दा मानौ मन्थली पुर्ण रुपमा सुरक्षित छ । यसबारेमा सरोकारवाला गम्भिर हुनु पर्दछ ।”
संक्रमणको संभावना र सरकारी सूचनाको ख्याल गरि सदरमुकाममा संचालित बैक तथा वितिय संस्थाहरुले भने आफनो सेवालार्ई सचेतता पुर्वकको प्रवाह गर्नुका साथै सेवाको दायरालाई पनि साँघुरो बनाएको छ । सबै भन्दा बढि मानिसको जमघट हुने भएकोले पनि आफुहरु सावधान हुनु पर्ने बाध्यता रहेको वैकिङ क्षेत्रका कर्मचारीहरू बताउछन् ।
मुलुकमा लकडाउन भएदेखि रामेछापमा कोरोना संक्रमणको संख्या ३३ पुगेको जिल्ला स्वास्थ कार्यालय रामेछापले जनाएको छ । यसैगरी परिक्षण गरिएका हरुमध्ये ८ सय ५५ जनाको रिपोर्ट नेगेटिभ आएको छ । कोरोना पुष्टि भएका २६ जना कोरोना मुक्त भई घर फर्किसकेका छन् भने ७ जनाको भने आईसुलेसन कक्षमा उपचार भईरहेको छ ।
यो बारेमा तपाईको प्रतिकृया