रामेछाप । नेपाल जेसिज रामेछापले शुक्रबार मन्थलीमा रक्तदान कार्यक्रमको आयोजना गरेको छ ।
जेसिजले आफ्नो सप्ताहब्यापी कार्यक्रम मनाउने शिलसिलामा आज मन्थलीमा रक्तदान कार्यक्रमको आयोजना गरिएको जेसिजका कार्यक्रम संयोजक बिमल पौडेलले बताउनुभयो ।
कोभिड–१९ का कारण देशैभरी रगतको अभाव भैरहेको बेला “मानवताको सेवा जीवनको सर्वाेत्तम कार्य हो” भन्ने मूल नाराका साथ आयोजना गरिएको उक्त कार्यक्रममा २५ जनाले रक्तदान गर्नुभएको संयोजक पौडेलले जानकारी दिनुभयो ।
यस अघि पनि सामाजिक काममा सक्रिय जेसिजले सप्ताह ब्यापि रुपमा कार्यक्रम गर्ने सिलसिलामा तेस्रो दिन शुक्रबार नेपाल रेडक्रस सोसाइटिको प्राबिधिक सहयोगमा रक्तदान कर्यक्रमको आयोजना गरेको हो ।
यो बारेमा तपाईको प्रतिकृया