रामेछाप १३ असोज । जिल्ला बजार अनुगमन समितिले मंगलबार र बुधबार सदरमुकाम मन्थली बजारको अनुगमन गर्दा पसलहरुमा त्रुटि कम भेटिएको । समितिले मंगलबार र बुधबार गरि दुई दिन गरेको अनुगमनका क्रममा यस पटक भने कम त्रुटि फेला पारेको छ ।
नजिकिदै गरेको बडा दशैमा ब्यापारहुन सक्ने मिसावट,म्याद नाघेको खाद्य सामाग्रिको बिक्रि तथा कानूनी प्रकृया पसल तथा होटलहरुको अबस्थाका बारेमा बुझदै ब्यापारी तथा उपभोक्ता हरुलाई सचेत गराउन गरिएको बजार अनुगमनका क्रममा यस पटक पसल तथा होटलहरुमा कम त्रुटि भेटिएको अनुगमनका सदस्यहरुले बताएका छन् ।
जिल्ला घरेलु तथा साना उद्योग समितिका प्रमुख मेघनाथ गौतमको नेतृत्वमा मंगलबार र बुधबार खटिएको टोलीले आकस्मिक रुममा बजार अनुगमन गरेको थियो । स्थानिय देबकोटा चोकबाट बजार अनुगमन शुरु गरेको टोलीले बुधबार ३२ वटा होटल तथा पसलको अनुगमन गरेको थियो । मंगलबार पनि टोलीले करिब ३० वटा पसल तथा होटल अनुगमन गरेको र सो क्रममा पनि प्रक्रियागत त्रुटि बाहेक कुनै त्रुटि फेला परेको थिएन ।
बजार अनुगमन गर्दा ७ वटा तरकारी तथा खुद्रा पसलहरु दर्ता प्रक्रियामा नगएको पाईएको थियो । । त्यस बाहेक अनुगमन गरिएका पसल तथा होटलहरुमा खासै त्रुटि र समस्या नदेखिएको जिल्ला प्रशासन कार्यालयका प्रतिनिधि तथा नासु लक्ष्मण भुजेलले जानकारि दिनुभयो । उहाँले भन्नुभयो हामिले आज साना तथा तरकारी पसलमा मात्र अनुगमन गरेकोले पनि उनिहरुमा धेरै समस्या नभेटिएको हुन सक्ने अनुमान गर्नू भयो ।
दुबै दिनको अनुगमनमा यस अघि ब्यापारीहरु बाट हुने गरेका कमि कम्जोरीमा पनि सुधार आाएको पाईएकोले कसैलाई पनि कानुनि पक्रियामा लैजानु नपरेको र दर्ता प्रकृयामा नगएका हरुलाई तत्त्काल प्रकयामा जानका लागि समय दिईएको पनि टोली संयोजक तथा जिल्ला घरेलु तथा साना उद्योग समितिका प्रमुख मेघनाथ गौतमले जानकारि दिनु भयो । उहाँले भन्नुभयो नजिकिदै गरेको बडा दशै र तिहारको समयलाई लक्षित गरि अन्य बजारमा पनि अनुगमनको कामलाई गतिशिल बनाउने जानकारी पनि गौतमले दिनुभयो ।
यो बारेमा तपाईको प्रतिकृया