रामेछाप, १५ पुष । रामेछाप जिल्लाको दोरम्वा गाउँपालिकाले जेष्ठ नागरिकहरुको सम्मान स्वरुप न्यानो कपडा वितरण गरेको छ ।
चिसो मौसम बढ्दै गएपछि चिसो वाट जोगिनका लागि गाउँपालिकाकाभित्र ८५ बर्ष उमेर माथिका जेष्ठ नागरिकहरु लाई घर घरमै पुगेर गाँउपालिकाका अध्यक्ष कमन सिं मोक्तानले न्यानो कपडा वितरणको सुरुवात गर्नु भएको हो ।
हाल सम्म गाउँपालिकाभित्र १ सय ३० जना जेष्ठ नागरिकलाई न्यानो कपडा वितरणको कार्यक्रम सम्पन्न गरिएको गाउँपालिकाका अध्यक्ष मोक्तानले बताउनुभयो । उहाले भन्नुभयो– सिंहदरवारको अधिकार घर घरमै पु¥याउने पालिकाको लक्ष अनुरुप छनौटमा परेका सबै जेष्ठ नागरिकहरूलाई न्यानो कपडा स्वरुप (ब्ल्याङकेट) बितरण गरिएको छ ।
गाउपालिकाका ८५ वर्ष नाघेका जेष्ठनागरिहरुको सम्मान स्वरुप न्यानो कपडा वितरण गरिएको र पालिका भित्रका जेष्ठ नागरिकालाई बितरण गरिने पनि उहाले बताउनु भयो ।
सो अनुरुप बुधवार डडुवाको मेग्रेमा बितरण गरिएको थियो भने भोलि विहिवार डडुवाको मझुवा, घले डाँडा र राजभिरमा बितरण गरिने कार्यक्रम रहेको छ भने वाँकी रहेका सबै वडाहरुमा शुक्रवार सम्ममा वितरण गरिसक्ने पनि उहाले जानकारी दिनुभयो ।कार्यक्रममा गाँउपालिकाकी उपाध्यक्ष कृषला घिसिङ स्थानीय वडा अध्यक्षहरु लगाएतको सहभागिता रहेको थियो ।
यो बारेमा तपाईको प्रतिकृया