शैक्षिक क्षेत्र सुधारका लागि गोकुलगंगाको पहल

रामेछाप,१७ माघ । गोकुलगंंगा गाँउपालिकाले गुणस्तरीय शिक्षा लाई प्राथमिकतामा राखेको छ । यस अघि यहि पुषमा सम्पन्न गाँउ सभाले पनि शैक्षिक क्षेत्रको सुधार गर्ने योजना बनाएको थियो ।
शिक्षा क्षेत्रको सुधारका लागि प्रयासरत उक्त पालिकाले पालिकास्तरमा रहेका सम्पुर्ण बिद्यालयका प्रधानाध्यापकहरु र ब्यवस्थापन समितिका पदाधिकारीहरुलाई २ दिने अनुशिक्षण कार्यक्रम सम्पन्न गरेको छ ।

गाँउपालिकाको आयोजना तथा सामुदायिक विद्यालय ब्यवस्थापन समिति महासंघको समन्वयमा सोमबार सम्पन्न सो कार्यक्रममा शिक्षाविद डा. बिद्यानाथ कोइरालाले सहजीकरण गर्नु भएको थियो ।
कार्यक्रममा पालिकाका अधिकांस बिद्यालयका प्रधानाध्यापक र विद्यालय ब्यवस्थापन समितिका पदाधिकारीहरुको सहभागिता रहेको थियो ।