रामेछाप,२७ माघ । मन्थली अस्पतालले आफ्नो प्रथम बार्षिक उत्सबको अबसर पारेर सदरमुकाम मन्थलीमा खुल्ला म्याराथुन प्रतियोगिता संचालन गर्ने भएको छ । अस्पतालले शनिबार विहान ६ः३० वजे बाट स्थानीय भैसेश्वर चोक देखि भुत्याहा खोला स्थित तामाकोसी नदिको पुल सम्म खुल्ला म्याराथुन दौड प्रतियोगिता गर्न लागेको हो । त्यसका लागि अस्पतालले सबै पक्षलाई सहभागिका लागि आग्रह गरेको छ । म्याराथुनमा प्रथम,द्धितिय र तृतिय हुनेलाई पुरस्कारको ब्यवस्था गरिएको अस्पतालले जनाएको छ ।
स्थापना दिवसका अबसर पारेर अस्पतालले हाल सम्म नागरिकहरुलाई पुर्याएको सेवा र सुविधा अनि गुणस्तरका बारेमा समेत जानकारी गराउने कार्यक्रम रहेको अस्पतालका डाक्टर केशब धामिले जानकारी दिनुभयो । यस अघि मन्थली प्राथामिक स्वास्थ्य केन्द्रका रुपमा सेवा दिंदै आएको उक्त अस्पताल सञ्चालनमा आएसंगै अस्पतालले १५ बेड मार्फत अनुभवी चिकित्सक द्वारा नागरिकहरुलाई सेवा दिनुका साथै आँखा र दाँतको सेवा समेत प्रवाह गर्दै आएको जनाइएको छ ।
सोहि अबसर पारेर मन्थली अस्पताले शुक्रवार मन्थली अस्पतालमा रहेका बिरामीहरुका लागि फलफुल बितरण गरेको छ ।
मन्थली नगरपालिकाका प्रमुख लव श्रेष्ठ, वडा नं १ का अध्यक्ष होमप्रसाद पौडेल, मन्थली अस्पतालका प्रमुख डा. सरोज थपलिया र डा केशव सिं धामी लगाएतले अस्पतालमा भएका बिरामीहरुलाई फलफुल बितरण गर्नु भएको थियो ।
यो बारेमा तपाईको प्रतिकृया