रामेछाप, ८ फागुन । आइतवार देखि मन्थलीमा जारी नगर कप अन्तर्गत पुरुष भलिवल खेल प्रतियोगितामा मन्थली नगरपालिकाको वडा नं १, ४ र १४ सेमी फाइनलमा प्रबेश गरेका छन् ।
सेमीफाइनलका लागि मन्थली नगरपालिका वडा नं –७ भटौली र वडा नं–१० चनखु बिच सोमवार भएको अन्तिम खेल वरावरीमा टुंगिएको थियो ।
सोमबार बिहान देखि भएको खेलमा वडा नं १४ ले वडा नं ६ र वडा ८ लाई जितेको थियो भने वडा नं ८ ले वडा नं ५ लाई, वडा नं ७ ले वडा नं ४ लाई वडा नं ३ ले वडा नं १२ लाई वडा नं ११ ले वडा नं ९ लाई, वडा नं ४ ले ३ र ११ लाई जितेका थिए ।
सेमीफाइनलका लागि वरावरीमा टुंगिएको वडा नं ७ र वडा नं १० विचको खेल मंगलवार बिहान खेलाए पछि बिजयी हुने वडा सेमीफाइनलमा पुग्ने सो खेलका रेफ्री शुक्र बहादुर मझीले वताउनुभयो ।
मन्थली नगरपालिकाका सूचना अधिकारी हेमन्त बुढाथोकीका अनुसार सेमीफाइन र फाइनल खेल मंगलवार नै खेलाइने र खेलको समापन पनि सोहि दिननै गरिने छ ।
यो बारेमा तपाईको प्रतिकृया